Allahverdiyev Kamran Elman

Qazimiz hərbi xidmət müddəti boyunca hər zaman müharibənin başlanmasını səbirsizliklə gözləmişdir. Düşmənlərın bizim xalqımızın başına açdığı oyunları məktəb illərində oxumuş və bu haqda hər zaman maraqlanmışdır. O hərbi xidmət zamanı verilən göstərişləri dəqiqliklə yerinə yetirmiş, hərbi təlimlər zamanı fərqlənmişdir. O deyir ki, “müharibənin başladığını eşitdiyim zaman çox sevindim, axır ki, düşmənlərdən intiqam alacağımız günlər yetişdi və bu məsələdə mən də bir hərbiçi kimi, bir vətəndaş kimi iştirak edəcəyəm”. Kamran yaralandığı günə qədər cəsarətlə vuruşmuşdur. O bildirir ki, “yaralanan zaman tək düşüncəm artıq döyüşə bilməyəcəyim idi, bu fikir məni aldığım yaradan daha çox incidirdi”.