Baladov Ruslan Allahyar

Ruslan Baladov 18 sentyabr 1997-ci ildə Hacıqabul rayonunda anadan olub. Hacıqabul rayon N.Ağayev adına 4 saylı tam orta məktəbin 9-cu sinifini bitirdikdən  sonra Şirvan Dövlət İqtisadiyyat və Humanitar Kollecində təhsil alıb.

2016-cı ildə Şirvan Dövlət İqtisadiyyat və Humanitar Kollecini bitirdikdən sonra hərbi xidmətə yollanıb. Xidmətini başa vurduqdan qısa müddət sonra isə yenidən taleyini Ordu ilə, MAXE həqrbi qulluqçu kimi fəaliyyət göstərməyə başlayıb.

Azərbaycan Silahlı Qüvvələrində hərbi xidmətdə olan MAXE hərbi qulluqçu Ruslan Baladov Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı 27 sentyabr 2020-ci il tarixdə Suqovuşan və Talış kəndi istiqamətində gedən ağır döyüşlərdə şəhid olub.

4 Oktyabr 2020-ci ildə Hacıqabul Şəhidlər Xiyabanında dəfn edilib.

Azərbaycan Prezidentinin Sərəncamlarına Əsasən Baladov Ruslan ölümündən sonra “Suqovuşanın azad olunmasına görə”, “Cəsur döyüşçü” və “Vətən uğrunda" medalları ilə təltif edilib.

Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirərək şəhid olmuş hərbi qulluqçu, Baladov Ruslan  Azərbaycan Respublikasının Prezidenti İlham Əliyevin Sərəncamına əsasən 3–cü dərəcəli “Vətənə xidmətə görə”  ordeni ilə təltif edilib.