Dünyamalıyev İslam Teymur

Ata adı: Teymur

🐣

Doğum — Kürdəmir Muradxan kəndi

🕊️

Şəhadət — Ağdərə Sırxavənd kəndi

📍

Dəfn Olunduğu Yer Kürdəmir Muradxan kənd qəbiristanlığı

Mənbə: Unudulmazlar.az

Şəhidin Xatirəsini Paylaşın

Hərbi Xidmət və Döyüş Yolu

Hərbi Rütbə Əsgər

Qoşun Növü Quru Qoşunları

Xidmət Növü Həqiqi hərbi xidmət

Döyüşlərdə İştirak:

⚔️ Ağdərə

Həyat Yolu və Şəhadət Tarixçəsi

Dünyamalıyev İslam Teymur oğlu 25 iyun 2004-cü ildə Kürdəmir rayonu Muradxan kəndində anadan olub. Kürdəmir rayonu Muradxan kənd tam orta məktəbində orta təhsil alıb. Orta təhsilini tamamladıqdan sonra Azərbaycan Silahlı Qüvvələrinin sıralarına xidmətə çağrılıb.

Azərbaycan Silahlı Qüvvələrinin əsgəri olan Dünyamalıyev İslam Teymur oğlu Azərbaycan Respublikasının Silahlı Qüvvələri tərəfindən 20 sentyabr 2023-cü il tarixində həyata keçirilmiş uğurlu lokal antiterror tədbirləri zamanı Ağdərə rayonunun Sırxavənd kəndində şəhid olub.

Kürdəmir rayonu Muradxan kənd qəbiristanlığında dəfn edilib.

Xatirələrdə Yaşayan Şəhid:

Anası Dünyamalıyev Gülşən – İslam balacalığından çox fərqli uşaq idi. Ailədə 2-ci və sonuncu övlad olsa da mehriban, ailəcanlı, ata-ana qədri bilən idi. Atası rəhmətə getdiyindən ailəyə bağlılığı daha da artmışdı. Qardaşı ilə məni çox sevirdi. Biz onun həm dostları, həm ailəsi, həm də hərşeyi idik...Əsgərliyi qutarıb gəlməyə də az qalmışdı. Amma mənfur ermənilərin törətdiyi terrorun qurbanı oldu. Mən onsuz neyləyəcəm bilmirəm...