Əliyev Elvin Gülməmməd

Əliyev Elvin Gülməmməd oğlu 1 mart 1990-cı ildə Tovuz rayonunun Azaflı kəndində anadan olub. Tovuz rayonu, Azaflı kənd orta məktəbində orta  təhsilə yiyələnib. Daha sonra Heydər Əliyev adına Azərbaycan Ali Hərbi Məktəbində ali hərbi təhsil alıb. Təhsilini tamamladıqdan sonra Azərbaycan Silahlı Qüvvələrində xidmət edib, "Kapitan" hərbi rütbəsinə qədər yüksəlib.

Vətən Müharibəsi zamanı Füzulinin, Cəbrayılın və Suqovuşanın azadlığı uğrunda qəhrəmancasına döyüşüb.

Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirərdiyi üçün “Suqovuşanın azad olunmasına görə” medalı ilə təltif edilib.

Azərbaycan Silahlı Qüvvələrinin kapitanı olan Əliyev Elvin Gülməmməd oğlu Azərbaycan Respublikasının Silahlı Qüvvələri tərəfindən 20 sentyabr 2023-cü il tarixində həyata keçirilmiş uğurlu lokal antiterror tədbirləri zamanı Ağdam rayonunda şəhid olub. 

Ailəli idi. Bir övladı yadigar qalıb.