İbrahimov Elsevər Etibar

Elsevər Etibar oğlu İbrahimov 6 noyabr 1999-cu ildə Şəki rayonu Aşağı Genyaq kəndində anadan olub. Elsevər müharibənin ilk günlərində döyüş bölgəsinə yollanıb. Füzuli, Qubadlı və Şuşa şəhərlərinin işğaldan azad edilməsində iştirak edib. O, 9 noyabrda Şuşa istiqamətində gedən döyüşlərdə şəhid olub.

Ölümündən sonra Prezident İlham Əliyevin müvafiq sərəncamları ilə Elsevər Etibar oğlu İbrahimov “Vətən uğrunda”  və “Şuşanın azad olunmasına görə” medalları ilə təltif edilib.

Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirərək şəhid olmuş hərbi qulluqçu Elsevər Etibar oğlu İbrahimov   Azərbaycan Respublikasının Prezidenti İlham Əliyevin Sərəncamına əsasən 3-cü dərəcəli “Vətənə xidmətə görə” ordeni ilə təltif edilib.