Mehdiyev Süleyman Mənsur

Mehdiyev Süleyman Mənsur oğlu 1992-ci ildə Ağdaş rayonunun Qarağan Şıxlar kəndində anadan olubdur. Orta təhsilini Qarağan-Şıxlar kənd orta məktəbində aldıqdan sonra Daxili Qoşunlarda kiçik çavuş rütbəsi xidmət etməyə başlamışdır.

Qüsursüz xidmətinə görə 2023- cü ildə fərqlənmə medalı ilə təltif edilmişdir.

O, 2023-cü ilin 19 sentyabr tarixində Azərbaycan Ordusunun başlatdığı lokal xarakterli antiterror əməliyyatları zamanı döyüş tapşırığını yerinə yetirərkən Kəlbəcər istiqamətində gedən döyüşlərdə 11 yoldaşı ilə birlikdə şəhid olmuşdur.

Prezident İlham Əliyevin Azərbaycan Respublikası Silahlı Qüvvələri hərbi qulluqçularının və Daxili İşlər Nazirliyi əməkdaşlarının təltif edilməsi haqqında Sərəncamına əsasən Mehdiyev Süleyman Mənsur oğlu ölümündən sonra “Vətən uğrunda” medalı və 3-cü dərəcəli “Vətənə xidmətə görə” ordeni ilə təltif edilib.

Ölümündən sonra qızı dünyaya gəlmiş və yeni doğulmuş qızı ilə birlikdə iki övladı yadigar olaraq qalmışdır.