Məhərrəmov Orxan Binət

Əslən Marneuli rayonunun Qaçağan kəndindən olan Məhərrəmov Orxan Binət oğlu 25 avqust 1994-cü ildə anadan olub.

Orxan Məhərrəmov Azərbaycan Respublikasının ərazi bütövlüyü uğrunda 27 sentyabr 2020-ci il tarixdən başlayan İkinci Qarabağ müharibəsi başlanan zaman könüllü olaraq döyüşlərə qatılıb və torpaqlarımızın işğaldan azad olunmasında igidlik göstərərək 6 oktyabrda Füzuli və Cəbrayılın azad olunması uğrunda gedən döyüşlərdə şəhid olub.

Azərbaycan Respublikasının Prezidenti İlham Əliyevin sərəncamına əsasən ölümündən sonra “Xocavəndin azad olunmasına görə”, "Cəbrayılın azad olunması", "Füzulinin azad olunması" və “Vətən uğrunda” medallar ilə təltif edilib.

Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirərək şəhid olmuş hərbi qulluqçu, Orxan Məhərrəmov  Azərbaycan Respublikasının Prezidenti İlham Əliyevin Sərəncamına əsasən 3–cü dərəcəli “Vətənə xidmətə görə”  ordeni ilə təltif edilib.