Nadirli Elvin Yurik

Nadirli Elvin Yurik oğlu 1995-ci il sentyabr ayının 13-də Füzuli rayonu Əhmədbəyli kəndində anadan olmuşdur. Elvin Nadirli orta təhsilini Mirmehdi Xəqani adına Musiqi təmayüllü gimnaziyada almışdır.  

Azərbaycan Silahlı Qüvvələrinin hərbi qulluqçusu Elvin Nadirli 44 günlük Vətən Müharibəsində iştirak etmiş və “Füzulinin azad olunmasına görə”, “Şuşanın azad olunmasına görə”, “Xocavəndin azad olunmasına görə”, “Vətən müharibəsi iştirakçısı”,  “Cəsur döyüşçü” medalları ilə təltif edilmişdir.

Elvin Nadirli Azərbaycan Respublikasının Silahlı Qüvvələri tərəfindən 20 sentyabr 2023-cü il tarixində həyata keçirilmiş uğurlu lokal antiterror tədbirləri zamanı Xocavənd istiqamətində gedən döyüşlərdə şəhid olmuşdur.

Azərbaycan Respublikasının ərazi bütövlüyünün təmin olunmasında yüksək peşəkarlıq, şücaət və mərdlik göstərmiş, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqlənmiş Azərbaycan Respublikası Silahlı Qüvvələrinin hərbi qulluqçusu Elvin Nadirli Azərbaycan Respublikasının Prezidenti İlham Əliyevin sərəncamına əsasən "Vətən uğrunda” medalı və  3-cü dərəcəli “Vətənə xidmətə görə” ordeni ilə təltif edilmişdir.