Niftəliyev Ümüd Oruc

Niftəliyev Ümüd Oruc oğlu 20 oktyabr 1998-ci ildə Babək rayonu Araz kəndində anadan olmuşdur. Orta təhsilini Heydər Əliyev adına Hərbi liseydə aldıqdan sonra Heydər Əliyev adına Ali Hərbi Məktəbə qəbul olmuşdur. 

Azərbaycan Silahlı Qüvvələrinin hərbi qulluqçusu Ümüd Niftəliyev Kəlbəcər və Laçın rayonları ərazisindəki Azərbaycan–Ermənistan dövlət sərhədində Ermənistan silahlı qüvvələrinin təxribatlarının və hücumlarının qarşısının alınması  zamanı 16 noyabr 2021-ci il tarixində şəhid olmuşdur.

Azərbaycan Respublikasının ərazi bütövlüyünün təmin olunmasında yüksək peşəkarlıq, şücaət və mərdlik göstərmiş, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqlənmiş Azərbaycan Respublikası Silahlı Qüvvələrinin hərbi qulluqçusu Niftəliyev Ümüd Oruc oğlu Azərbaycan Respublikasının prezidenti İlham Əliyevin sərəncamına əsasən “Şuşanın azad olunmasına görə” və 3-cü dərəcəli “Rəşadət”  ordeni ilə təltif edilmişdir.