Nurməhəmmədov Ramazan Nurəhmədoviç

Nurməhəmmədov Ramazan Nurəhmədoviç 1992-ci il mart ayının 17- də  Qusar rayonunda anadan olmuşdur. Orta təhsilini Qusar rayon 2 saylı orta məktəbdə almış, daha sonra kiçik gizir kimi xidmətə başlamışdır. 

Qüsursüz xidmətinə “Azərbaycan Respublikası Silahlı Qüvvələrinin 100 illiyi  yubiley” medalı ilə təltif edilmişdir. 

İkinci Qarabağ müharibəsində fəal iştirak etmiş və “Füzulinin azad olunmasına görə”, “Xocavəndin azad olunmasına görə” və “Vətən müharibəsi iştirakçısı” medalları ilə təltif edilmişdir. 

O, 2023-cü ilin 19 sentyabr tarixində Azərbaycan Ordusunun başlatdığı lokal xarakterli antiterror əməliyyatları zamanı döyüş tapşırığını yerinə yetirərkən 20 sentyabrda Ağdam rayonu Sırxavənd kəndi istiqamətində gedən döyüşlərdə şəhid olmuşdur.

Prezident İlham Əliyevin Azərbaycan Respublikası Silahlı Qüvvələri hərbi qulluqçularının və Daxili İşlər Nazirliyi əməkdaşlarının təltif edilməsi haqqında Sərəncamına əsasən Nurməhəmmədov Ramazan Nurəhmədoviç  ölümündən sonra “Vətən uğrunda” medalı və 3-cü dərəcəli “Vətənə xidmətə görə” ordeni ilə təltif edilmişdir.