Qasımov İbrahim Malikəjdər

Qasımov İbrahim Malikəjdər  oğlu 1992-ci il yanvar ayının 29-da Naxçıvan şəhərində anadan olmuşdur. ibrahim Qasımov orta təhsilini Əliabad şəhər orta məktəbində  almış, daha sonra isə Azərbaycan Koorperasiya Universitetinə qəbul olmuşdur.  

Azərbaycan Silahlı Qüvvələrinin hərbi qulluqçusu İbrahim Qasımov 44 günlük Vətən Müharibəsində iştirak etmiş və “Suqovuşanın azad olunmasına görə” medalı ilə təltif edilmişdir.

İbrahim Qasımov  Azərbaycan Respublikasının Silahlı Qüvvələri tərəfindən 19 sentyabr 2023-cü il tarixində həyata keçirilmiş uğurlu lokal antiterror tədbirləri zamanı Ağdərə istiqamətində gedən döyüşlərdə şəhid olmuşdur.

Azərbaycan Respublikasının ərazi bütövlüyünün təmin olunmasında yüksək peşəkarlıq, şücaət və mərdlik göstərmiş, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqlənmiş Azərbaycan Respublikası Silahlı Qüvvələrinin hərbi qulluqçusu İbrahim Qasımov Azərbaycan Respublikasının Prezidenti İlham Əliyevin sərəncamına əsasən "Vətən uğrunda” medalı və  3-cü dərəcəli “Vətənə xidmətə görə” ordeni ilə təltif edilmişdir.