Səmədov Elmin Mirzəli

Səmədov Elmin Mirzəli oğlu 01 fevral 1996-cı ildə Salyan rayonu, Qızılağac kəndində anadan olmuşdur. Orta təhsilini Salyan rayonu Qızılağac kənd orta məktəbində almışdır.

Vətən Müharibəsində iştirak edən Elmin Səmədov bir sıra rayonlarımızın azad edilməsində böyük rəşadət göstərib. Vətən Müharibəsində iştirakına görə Ali Baş Komandan cənab İlham Əliyevin müvafiq sərəncamları ilə “Qubadlının azad olunmasına görə”, “Zəngilanın azad olunmasına görə”, "İgidliyə görə"  medalları ilə təltif edilmişdir.

Azərbaycan Silahlı Qüvvələrinin hərbi qulluqçusu olan Səmədov Elmin Mirzəli oğlu Ermənistan silahlı qüvvələri tərəfindən dövlət sərhədində törədilən genişmiqyaslı təxribatın qarşısını alarkən 13 sentyabr 2022-ci il tarixində şəhid olmuşdur.

Azərbaycan Respublikasının ərazi bütövlüyünün təmin olunmasında yüksək peşəkarlıq, şücaət və mərdlik göstərmiş, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqlənmiş Azərbaycan Respublikası Silahlı Qüvvələrinin hərbi qulluqçusu Səmədov Elmin Mirzəli oğlu Azərbaycan Respublikasının prezidenti İlham Əliyevin sərəncamına əsasən “Vətən uğrunda” medalı və   3-cü dərəcəli “Vətənə xidmətə görə”  ordeni ilə təltif edilmişdir.