Oxunuşu / Transkripsiya və İzahı
1. Evdən hərəkət etməmiş üç gün əvvəli oruc tutsun. İmam Sadiq (ə)-ın Səfvana göstəriş verdiyi kimi, üçüncü günü qüsül alırsan. Yeddinci ziyarəti qeyd etdikdə Şeyx Məhəmməd ibni Məşhədi bayram ziyarətlərinin müqəddiməsində belə buyurmuşdur: “Həzrəti ziyarət etmək istəsən, üç gün oruc tut. Üçüncü gün qüsül al və bütün ailəni başına yığıb bu duanı oxu:
İlahi, bu gün özümü, əhli-əyalımı, malımı, övladlarımı və mənimlə yolu bir olan –mənimlə birgə, ya da məndən uzaq olan hər bir şəxsi Sənə tapşırıram! İlahi, (Öz hifzinlə) imanınızı hifz et və özümüzü qoru! İlahi, bizi Öz pənahında saxla, nemətini bizdən alma, sahib olduğumuz nemət və sağlamlığı dəyişdirmə və Öz fəzlini bizə artır ki, həqiqətən, biz Səni istəyirik!
Evdən çıxıb xüşu halında de:
Allahdan başqa heç bir tanrı yoxdur. Allah böyükdür və həmd Allaha məxsusdur!
Allaha həmd-səna, Peyğəmbər (s) və Əhli-beytinə salam və salavat göndərib, yavaş-yavaş və vüqarla hərəkət et. Nəql olunmuşdur ki, Allah taala İmam Hüseyn (ə)-ın qəbrini ziyarət edənlərin hər bir tər damlasından min mələk yaradar ki, Allaha zikir edər və Qiyamət gününə qədər onun üçün məğfirət dilərlər.
2. İmam Sadiq (ə)-dan nəql olunmuşdur ki, İmam Hüseyn (ə)-ın ziyarətinə getdikdə, o həzrəti qəmli, hüznlü, ac-susuz halda ziyarət edin; çünki o həzrət elə bu halda da şəhid olmuşdur. Sonra öz hacətini istədikdən sonra vətəninə qayıt.”
3. O həzrətin ziyarət səfərində özünlə toyuq, halva və bu kimi ləzzətli yeməklər götürmə, əksinə yeməyini süd, qatıq və bu kimi yeməklərdən et. İmam Sadiq (ə)-ın belə buyurduğu nəql olunmuşdur: “Eşitmişəm ki, bir qrup İmam Hüseyn (ə)-ın ziyarətinə gəldikdə, özləri ilə qızardırılmış keçi əti və halva götürürlər. Əgər onlar ata-babalarının, yaxud dostlarının qəbrini ziyarət etməyə getdikdə, özləri ilə belə yeməklərmi aparırlar?” Başqa bir mötəbər hədisdə o həzrət Müfəzzəl ibni Ömərə belə buyurmuşdur: “İmam Hüseyn (ə)-ı elə ziyarət edin ki, ziyarət etməməyiniz ondan yaxşı olsun...” Müfəzzəl dedi: “(Ya İmam! Bu sözünüzlə) mənim belimi qırdınız.” İmam buyurdu: “And olsun Allaha! Əgər öz ata-babalarınızın qəbrinin ziyarətinə getdikdə, qəm-qüssəli olursunuz. İmam Hüseyn (ə)-ın ziyarətinə isə getdikdə, özünüzlə bər-bəzəkli süfrələr (yeməklər) götürürsünüz. Halbuki o həzrətin ziyarətinə toz-torpaqlı, qəm-qüssəli getmək lazımdır.”
Müəllif deyir: “Necə də yaxşı olar ki, varlılar və tacirlər bu səfərdə İmam Sadiq (ə)-ın göstərişlərinə əməl etsinlər. Hər zaman Kərbəlaya qədər olan yolda bir şəhərə çatdıqda, onları pişvaz edib, onlara qonaqlıq verən bəzi dost-tanışları (onları evindən yola salan zaman) süfrələrini ləzzətli yeməklərlə doldurmaq istədikdə, buna mane olub desinlər: “Biz Kərbəla müsafirləriyik, özümüzlə ləzzətli yeməklər aparmağımız yaxşı deyildir.” Şeyx Kuleyni nəql etmişdir ki, İmam Hüseyn (ə)-ın şəhadətindən sonra o həzrətin zövcəsi matəm saxlayıb ağladı, digər qadınları və xidmətçiləri də ağlatdı. Onların göz yaşları quruduqdan sonra onlara yemək üçün “Qətta” adlı bir quşu qızardıb göndərdilər. Məqsəd də bu idi ki, onu yeyib, yenidən İmam Hüseyn (ə)-a matəm və əza saxlamaq üçün qüvvətlənsinlər. İmam Hüseyn (ə)-ın möhtərəm zövcəsi bunu görən kimi “Bu nədir?” – deyə soruşduqda, dedilər: “Bu, filankəsin sizə hədiyyəsidir. Onu yeməklə İmam Hüseyn (ə)-a matəm saxlamaq üçün qüvvətiniz olsun.” Xanım dedi: “Biz toy etmirik, bizim belə yeməyə ehtiyacımız yoxdur!” Bundan sonra göstəriş verdi ki, onu evdən götürüb aparsınlar.
4. İmam Hüseyn (ə)-ın ziyarət səfərində müstəhəb əməllərdən biri də təvazökarlıq etmək, zəlil və günahkarlar kimi yol getməkdir. Bəs, bu səfərə maşınla çıxanlar Kərbəlaya çətinliklə və piyada gələnlərə baxıb təkəbbür etməməli, onlara həqarət gözü ilə baxmamalı və bu məsələdə çox diqqətli olmalıdırlar. Alimlər “Əshabi-Kəhf”in əhvalatında yazırlar ki, onlar Dəqyanus adlı padşahın xüsusi adamları və vəzirləri olsalar da, Allah taala Öz mərhəmətini onlara şamil etdi və onlar Allaha pərəstiş və özlərini islah etmək fikrinə düşdülər. Bununla da məsləhət gördülər ki, camaatdan ayrılıb “Məva” mağarasında ibadətlə məşğul olsunlar. Buna görə atlarına minib şəhərdən çıxdılar. Bir az yol getmişdilər ki, onların arasında olan Təmlixa dedi: “Qardaşlar! Bizim bu yolumuz axirət yoludur, fəqir kimi hərəkət etməli, dünyapərəst, rəis və padşahlıq fikrindən yayınmalıyıq. İndi isə atlarımızdan düşməli və Allahın dərgahına doğru piyada getməliyik. Bəlkə Allah taala bizə rəhm etsin, işlərimizi asanlaşdırsın.” Beləliklə, onlar hamılıqla atdan düşdülər. Elə həmin gün onlar yeddi fərsəx yolu piyada getdilər və nəhayət, ayaqları parçalanıb qan axdı. Belə isə, onları ziyarət edənlər bilməlidirlər ki, hər kəs bu yolda Allaha xatir təvazökarlıq etsə, məqamı ucalar. Buna görə də İmam Sadiq (ə)-dan nəql olunmuşdur ki, Allah-Taala İmam Hüseyn (ə)-ın ziyarətinə piyada gedənlərin hər qədəminə min savab yazar, min günahını silər və behiştdə məqamını min dəfə artırar.” O həzrətin ziyarətinə gedən kəs “Fərat” çayına çatdıqda, qüsül etsin, ayaqqabılarını əlinə götürüb, ayaqyalın və Allahın günahkar bəndəsi kimi yoluna davam etsin.
5. Əgər yol əsnasında yorulub əldən düşən və xəstələnən bir zəvvarı görmüş olsa, onu yardım edib məqsədə çatdırsın. Məbada, bu işdə səhlənkarlığa yol verilsin. Şeyx Kuleyni mötəbər sənədlə Əbu Harundan belə nəql etmişdir: “Bir gün İmam Sadiq (ə) yanındakılara buyurdu: “Sizə nə olub ki, bizim haqqımıza riayət etməkdə səhlənkarlıq edirsiniz?” Xorasan əhlindən bir nəfər ayağa qalxıb dedi: “Sizin əmrlərinizi yüngül saymaqdan Allaha pənah aparırıq!” İmam buyurdu: “Sən özün bizi xar edən və əmrlərimizi yüngül sayan şəxslərdən birisən!” O dedi: “Mən sizi xar etməkdən Allaha pənah aparıram?” İmam buyurdu: “Vay olsun sənə! Eşitmədinmi ki, biz Cöhfənin yaxınlığında olarkən filankəs səndən “Yorulmuşam, məni də bir neçə addım atına mindir!” – deyə xahiş etdikdə, Allaha and olsun ki, sən başını qaldırıb, ona cavab vermədin, ona etina etmədin. Hər kəs bir mömini xar etsə, Allaha hörmətsizlik etmiş olar.”
Müəllif deyir: “Biz “Ziyarətin ədəb qaydaları” bölümündə doqquzuncu ədəb qaydasında bu məsələ ilə bağlı Əli ibni Yəqtindən bir rəvayət qeyd etdik ki, orada gözəl öyüd-nəsihətlər deyilmişdir. Maraqlananlar həmin rəvayətə müraciət etsinlər. Burada isə qeyd edilən ədəb qaydası yalnız İmam Hüseyn (ə)-ın zəvvarlarına məxsus deyildir, lakin bu məsələ o həzrətin ziyarət səfərində başqalarından artıq baş verdiyindən onu burada qeyd etməyi lazım gördük.”
6. Məhəmməd ibni Müslüm deyir ki, İmam Məhəmməd Baqir (ə)-a dedim: “Baban Hüseyn ibni Əli (ə)-ın ziyarətinə gedən şəxsin sanki həcdə olması doğrudurmu?” İmam buyurdu: “Bəli!” Dedim: “Belə isə həcdə vacib olanlar o həzrətin ziyarətində bizə də vacib olar.” İmam buyurdu: “Sənə lazım olan budur ki, səninlə yoldaş olanlarla mehriban davranasan, xeyir sözləri müstəsna etməklə az danışasan, Allahı çox yad edəsən, təmiz libaslar geyinəsən, hərəmə daxil olmazdan öncə qüsül edəsən, diqqətlə və son təvazökar olub, çox namaz qılasan, Məhəmməd (s) və Əhli-beytinə salavat deyəsən, sənə layiq olmayan şeylərdən qorunasan, gözünü haramlardan yumasan, yoxsul olan mömin qardaşına yardım edəsən. Əgər yol xərci qurtaran bir kəsi görsən, onun əlindən tutasan, öz xərcini onunla bərabər böləsən, təqiyyə etməlisən ki, bu, dini qüvvətləndirir, Allahın qadağan etdiklərindən çəkinəsən (təqvalı olasan), kin-küdurətdən, and içməkdən, mübahisədən, dava-dalaşdan uzaqlaşasan. Əgər bu göstərişlərə əməl etsən, sənə bir həcc və ümrənin savabı verilər, günahların bağışlanar, Allah səndən razı olar, Öz mərhəmətinə şamil edər.”
7. Əbu Həmzə Sumali İmam Hüseyn (ə)-ın ziyarəti ilə əlaqədar İmam Sadiq (ə)-dan belə nəql etmişdir: “Neynəvaya çatdıqda, yükünü orada qoy, özünə yağ sürt, sürmə çək və orada olduğun vaxta qədər ət yemə!”
8. Fərat çayında qüsül etməyin savabı ilə bağlı nəql olunan rəvayətlər olduqca çoxdur. İmam Sadiq (ə)-dan nəql olunan bir hədisdə deyilir: “Fərat çayında qüsül edib, İmam Hüseyn (ə)-ın qəbrini ziyarət edən şəxs böyük günahlar sahibi olsa belə, anadan doğulduğu gün kimi, günahlardan pak olar.” O həzrətdən soruşuldu: “Ola bilsin ki, biz İmam Hüseyn (ə)-ın ziyarətinə getdiyimiz halda, havanın soyuqluğu, yaxud digər səbəblər üzündən (Fərat çayından) qüsül etməyimiz çətin olsun!” Həzrət buyurdu: “Hər kəs Fərat çayında qüsül etdikdən sonra İmam Hüseyn (ə)-ı ziyarət etsə, onun üçün saysız-hesabsız fəzilət və savab yazılar.” Bəşir Dəhhan İmam Sadiq (ə)-ın belə buyurduğunu nəql etmişdir: “Hüseyn ibni Əli (ə)-ı ziyarət etmək istəyən kəs dəstəmaz alıb, Fəratda qüsül etdikdən sonra bir qədəm belə götürüncə, Allah taala onun üçün bir həcc və ümrənin savabını yazar.” Bəzi rəvayətlərdə deyilir ki, Fərat çayının İmam Hüseyn (ə)-ın qəbri ilə üzbəüz olan tərəfində qüsl etmək daha yaxşıdır. Həmçinin, bir sıra rəvayətlərdən başa düşülür ki, Fərat çayına çatdıqda, yüz dəfə “Əllahu Əkbər”, yüz dəfə “La ilahə illəllah” və yüz dəfə Peyğəmbər və onun Əhli-beytinə salavat deyilsin.
9. İmam Sadiq (ə)-ın Yusif Kənnasiyə buyurduğu kimi, müqəddəs hərəmə şərq tərəfdəki qapıdan daxil olmaq yaxşıdır.
10. İbni Quləveyhin nəql etdiyi rəvayətə əsasən İmam Sadiq (ə) Müfəzzəl ibni Ömərə belə buyurdu: “Ey Müfəzzəl, elə ki, İmam Hüseyn (ə)-ın qəbrinin kənarına yetişdin Rəvzənin (zərih olan otağa deyilir) qapısının kandarında dayan və bu sözləri oxu, hər kəlməyə görə ilahi rəhmətdən sənə bir pay qismət olacaq:
Salam olsun sənə, ey Allahın seçdiyi Adəmin varisi! Salam olsun sənə, ey Allahın peyğəmbəri Nuhun varisi! Salam olsun sənə, ey Allahın dostu İbrahimin varisi! Salam olsun sənə, ey Allahla həmsöhbət olan Musanın varisi! Salam olsun sənə, ey Allahın ruhu İsanın varisi! Salam olsun sənə, ey Allahın həbibi Məhəmmədin varisi! Salam olsun sənə, ey Rəsulullahın canişini Əlinin varisi! Salam olsun sənə, ey bəyənilmiş Həsənin varisi! Salam olsun sənə, ey Rəsulullahın qızı Fatimənin varisi! Salam olsun sənə, ey şəhid və düzdanışan! Salam olsun sənə, ey xeyirxah və təqvalı vəsi! Salam olsun sənin türbənə enib kənarında yaşayan (dəfn olunan) ruhlara! Salam olsun sənin ətrafına toplaşmış ilahi mələklərə! Şəhadət verirəm ki, həqiqətən, sən əbədiyyətə qovuşana qədər namazı bərpa etdin, zəkat verdin, (insanları) yaxşılıqlara dəvət etdin, pisliklərdən çəkindirdin və Allaha ixlasla ibadət etdin. Salam olsun sənə! Allahın rəhmət və bərəkətləri olsun sənə!
Sonra qəbrə tərəf get. Götürdüyün hər addıma Allah yolunda qanına qəltan olub əl-ayaq vuran şəxsin savabı verilir. Qəbrə yaxınlaşdıqda əlini qəbrə sürt və belə de:
Salam olsun sənə, ey Allahın yer üzü və səmasındakı höccəti!
11. Əbu Səid Mədaini belə deyir: “Bir gün İmam Sadiq (ə)-ın hüzuruna gedib dedim: “İmam Hüseyn (ə)-ın qəbrinin ziyarətinə gedimmi?” Həzrət buyurdu: “Bəli, get, İmam Hüseyn (ə) – Peyğəmbəri-Əkrəm (s)-in övladı gözəllərin ən gözəli, pakların ən pakizəsi və yaxşıların ən yaxşısıdır. O həzrəti ziyarət etmək istədikdə, onun başı üstə min dəfə Əmirəl-möminin Əli (ə)-ın təsbihatını, ayaq tərəfində isə min dəfə xanım Fatimə Zəhra (s)-ın təsbihatını de. Sonra iki rükət namaz qıl və bu namazda “Yasin” və “Ər-rəhman” surələrini söylə. Əgər belə etmiş olsan, çoxlu savab qazanarsan.” Dedim: “Sənə qurban olum! Əmirəl-möminin Əli (ə) və xanım Fatimə Zəhra (s)-ın təsbihatını mənə öyrədin.” Həzrət buyurdu: “Bəli, ey Əbu Səid! Əli (ə)-ın təsbihatı belədir:
Xəzinələri azalmayan Allah bütün eyiblərdən pak və uzaqdır. Nişanələri tükənməyən Allah bütün eyiblərdən pak və uzaqdır. Yanındakılar (sahib olduqları) fani olmayan Allah bütün eyiblərdən pak və uzaqdır. Hökmündə kimsəni Özünə şərik etməyən Allah bütün eyiblərdən pak və uzaqdır. Fəxr və izzəti aradan getməyən Allah bütün eyiblərdən pak və uzaqdır. Müddəti bitməyən Allah bütün eyiblərdən pak və uzaqdır. Ondan başqa heç bir tanrı olmayan Allah bütün eyiblərdən pak və uzaqdır.
Fatimə Zəhranın (s) təsbihi belədir:
Calal sahibi və böyük Allah bütün eyiblərdən pak və uzaqdır. İzzət və uca məqam sahibi olan Allah bütün eyiblərdən pak və uzaqdır. Əzəli və şərəfli mülkün sahibi olan Allah bütün eyiblərdən pak və uzaqdır. Yaxşılıq və gözəlliklə bürünən Allah bütün eyiblərdən pak və uzaqdır. Nur və vüqarla bəzənən Allah bütün eyiblərdən pak və uzaqdır. Saf daş üzərində qarışqanın ayaq izini görən Allah bütün eyiblərdən pak və uzaqdır. Havada quşun uçuş izini görən Allah bütün eyiblərdən pak və uzaqdır.
12. İmam Hüseyn (ə)-ın qəbrinin yanında vacib və müstəhəb namazaları qıl; çünki o həzrətin yanında qılınan namaz qəbul olunar. Seyid ibni Tavus yazır ki, o həzrətin yanında qılınan vacib namaz həclə, müstəhəb namaz isə ümrə ilə bərabərdir.
Müəllif deyir: “Müfəzzəlin rəvayətində o həzrətin hərəmində qılınan namazın çoxlu savabı açıqlandı. İmam Sadiq (ə)-dan nəql olunan mötəbər bir hədisdə belə buyurulur: “İmam Hüseyn (ə)-ı ziyarət edib, iki, yaxud qırx rükət namaz qılan şəxsə həcc və ümrənin savabı yazılar.” Rəvayətlərdən başa düşülür ki, o həzrətin qəbrinin ayaq, yaxud baş tərəfində ziyarət və digər namazlar qılmaq yaxşıdır... Əbu Həmzə Sumalinin İmam Sadiq (ə)-dan nəql etdiyi rəvayətində buyurulur ki, o həzrətin qəbrinin baş tərəfində birinci rükətdə “Həmd” və “Yasin”, ikinci rükətdə isə “Həmd” və “Ər-rəhman” surələrini deməklə iki rükət namaz qılmaq müstəhəbdir. Qəbrin ayaq tərəfində qılmağın da heç bir eybi yoxdur, lakin baş tərəfdə daha yaxşıdır. Bu namazdan sonra hər bir yerdə istənilən namazı qılmaq olar. Amma iki rükətdən ibarət ziyarət namazını gərək qəbrin yanında qılınsın. İbni Quləveyh İmam Baqir (ə)-dan nəql edir ki, o həzrət bir nəfərə buyurdu: “Ey filankəs, nə olar ki, sənə bir çətinlik üz gətirdikdə, gedib İmam Hüseyn (ə)-ın qəbrinin yanında dörd rükət namaz qılasan və öz diləyini istəyəsən. Həqiqətən, o həzrətin yanında qılınan vacib namaz həclə, müstəhəb namaz isə ümrə ilə bərabərdir.
13. Bilmək lazımdır ki, İmam Hüseyn (ə)-ın müqəddəs hərəmində ən mühüm məsələ duadır. Çünki bu müqəddəs məkanda Allah taalanın o həzrətə şəhadətin əvəzinə zəvvarların duasının qəbulunu mərhəmət etmişdir. Buna görə də zəvvar fürsəti qənimət bilib tövbə etməkdə, Allahdan məğfirət diləməkdə və hacətlərini istəməkdə səhlənkarlığa yol verməməlidir. O həzrətin ziyarəti ilə bağlı nəql olunan ali məzmunlu, dolğun mənalı dualar olduqca çoxdur, bizim burada məqsədimiz ixtisar olduğundan, bir neçə duanı qeyd etməklə kifayətlənirik. Yaxşı olar, “Kamilə” səhifəsindəki dualar oxunsun ki, ən yaxşı dualardır. Biz bu bölümün sonunda “Camiə” ziyarətindən sonra bir duanı qeyd edəcəyik ki, onu bütün müqəddəs hərəmlərdə oxumaq olar. Burada isə bir ziyarətin əsnasında nəql olunan bir qısa duanı qeyd etmək istəyirik. İmam Hüseyn (ə)-ın pak hərəmində əlləri göyə qaldırdığın halda, belə deyirsən:
İlahi, həqiqətən, Sən mənim məkanımı görür, sözümü eşidir, durduğum yeri və ah-naləmi görürsən. Mən Sənin höccətin və Peyğəmbərinin övladının qəbrinə pənah gətirmişəm. Ey mənim sərvərim, həqiqətən, Sən mənim hacətlərimdən xəbərdarsan və vəziyyətim Səndən gizli deyil! İndi isə Rəsulunun övladı, höccət və əmanətdarının vasitəsilə Sənin dərgahına üz tutmuş, Sənə və Rəsuluna yaxınlaşmaq üçün gəlmişəm. Elə isə məni Öz dərgahında dünya və axirətdə başıuca et və Sənə yaxın olanlar sırasına qat, ziyarətimlə arzularımı gerçəkləşdir, məni niyyətimə yetir, istək və arzularıma çatdır, hacətlərimi rəva et, məni naümid geri qaytarma, ümidimi üzmə, istəklərimdən məhrum etmə və din, dünya və axirət işləri ilə bağlı Səndən istədiyim bütün dualarımın qəbul olduğunu mənə göstər, məni bəla, xəstəlik, fitnə və zərərlərdən uzaqlaşdırıb sağlam yaşatdığın, rahat öldürdüyün, sağlamlıqla cənnətə apardığın və cəhənnəm odundan xilas etdiyin bəndələrdən qərar ver, Öz minnətinlə özüm, əhli-əyalım, övladlarım, qardaşlarım, malım və mənə verdiyin bütün nemətlərlə bağlı Səndən arzuladıqlarımın xeyrini mənim üçün hazırla, ey mehribanların ən mehribanı!
14. İmam Hüseynin(ə) hərəminin əməllərindən biri də həzrətə salavat göndərməkdir. Rəvayətə əsasən həzrətin mübarək çiyninin arxasında dayanıb peyğəmbərə və imam Hüseynə (ə) salavat göndər. İbni Tavus “Misbah” kitabında imama aid olan salavatları ziyarətnamələrin arasında belə nəql etmişdir:
İlahi, Məhəmməd və Məhəmmədin Əhli-beytinə salam yetir! Məzlum, şəhid, göz yaşlarının şəhidi və çətinliklər əsiri Hüseynə salam yetir; elə bir salam ki, çoxlu, pakizə və bərəkətli olsun, başlanğıcı yuxarı qalxsın, sonu da tükənməsin, peyğəmbər və elçilərin övladlarından birinə göndərdiyin salamdan fəzilətli olsun, ey aləmlərin Rəbbi! İlahi, imam, şəhid, məzlumcasına qətlə yetirilən, köməksiz qalan, böyük rəhbər, təqvalı abid, vəsi, xəlifə, düzdanışan imam, pak, pakizə, mübarək, Allahdan razı olan, bəyənilmiş, təqvalı, hidayətçi, hidayət olunmuş, zahid, (dini) müdafiə edən, (haqq yolunda) cihad edən, alim, hidayətçi imam, Peyğəmbərin nəvəsi və Fatimeyi-Zəhranın gözünün işığına salam yetir! Allahın salavat və salamı olsun ona və övladlarına! İlahi, mənim sərvərim və mövlama salam yetir, necə ki, Sənə itaətlə məşğul oldu, (insanları) Sənə itaətsizlikdən çəkindirdi, razılığın yolunda ciddiyyətlə çalışdı, Sənə iman gətirib şəriətinə əməl etdi, Sənin əmrinə müxalif olanların bəhanəsini qəbul etmədi, bəndələri aşkar və gizli şəkildə Sənə doğru dəvət və Sənin yoluna hidayət etdi, Sənin hüzurunda qiyam edib, doğruluqla zülm və haqsızlığı aradan qaldırdı, Peyğəmbərin sünnəsini kitab (Qurani-Kərim) əsasında dirçəltdi, Sənin razılığın uğrunda ömrü boyu çətinliklərə sinə gərdi, Sənə itaət etdiyi, övliyalarının zümrəsində olduğu, ağrı-acılara dözdüyü halda dünyadan getdi, canını Sənə təslim etdi, gecə-gündüz bir an belə Sənə itaətsizlik etmədi, üstəlik, Sənin yolunda münafiq və kafirlərlə mübarizə apardı! İlahi, onu üz danışan və xeyirxah insanlara verdiyin ən yaxşı mükafatla mükafatlandır, onların (münafiq və kafirlərin) əzabını və onu qətlə yetirənlərin cəzasını ikiqat artır! Çünki o həzrət alicənablıqla döyüşdü, məzlumcasına qətlə yetirildi, Allahın rəhmətinə şamil olduğu halda dünyadan getdi, halbuki düşmənlərinə deyirdi: “Mən Allahın rəsulu Məhəmmədin övladı və zəkat verib Allaha ibadət edən şəxsin oğluyam! Demək, o həzrəti mömin olduğu halda, bilərəkdən qətlə yetirdilər, o həzrətin qətlində şeytana itaət etdilər və bu işdə rəhman Allahı nəzərsən qaçırtdılar. İlahi, mənim sərvərim və mövlama salam yetir; elə bir salam ki, adını ucaltsın, əmrini hakim etsin və köməyinə tələssin! (İlahi!) qiyamət günü fəzilətlərin ən yaxşı qismini ona məxsus et, behiştin ən yüksək mərtəbəsində şərəfini artır, onu şərafət və kəramət əhlinin böyük məqamına, rəhmət və şərafətinlə dərgahına yaxın olanların yüksək dərəcəsinə qaldır, onu “vəsilə” məqamı, yüksək dərəcə, fəzilət və böyük kəramətə çatdır! İlahi, onu bizim tərəfimizdən rəiyyətin rəhbərə verdiyi ən yaxşı mükafatla mükafatlandır, sərvərim və mövlama adı çəkildiyi və çəkilmədiyi zaman salam yetir! Ey mənim sərvərim və mövlam, məni öz ordu və zümrənə daxil et, öz Rəbbin və mənim Rəbbimdən mənə bəxşiş dilə! Həqiqətən, sənin Allah dərgahında dərəcən, qədir-qiymətin və uca məqamın var; Ondan bir şey istəsən verəcək və vasitəçilik etsən qəbul edəcək! Bəndən və dostunla bağlı Allahı nəzərdən qaçırma! Məni çirkin əməl və rəftarım, böyük günahımla çətin və qorxulu hadisələrdə tək qoyma! Həqiqətən, sən mənim arzu və ümidim, dayaq və sığınacağım, mənim Rəbbim və öz Rəbbinin dərgahında vəsiləmsən. Allaha təvəssül edənlər yalnız Onun dərgahında haqqı böyük, ehtiramı vacib və məqamı uca olan siz Əhli-beytin vasitəsilə təvəssül edirlər. Allah məni günahlarıma görə sizdən ayırmasın, siz və dostlarınız üçün hazırladığı “Ədn” cənnətində bir yerə toplasın! Həqiqətən, O, bağışlayanların ən yaxşısı və mehribanların ən mehribanıdır! İlahi, mənim sərvərim və mövlama (bizim tərəfimizdən) çoxlu salam və salavat çatdır və onun tərəfindən də bizə salam gətir! Doğrudan da, Sən bağışlayan və kəramət sahibisən. Salam adı çəkilsə də, çəkilməsə də, ona salam yetir, ey aləmlərin Rəbbi!
Müəllif deyir: “Biz o ziyarəti “Aşura günü”nün əməllərində gətirdik və fəslin axırlarında imamlara olan salavatlarla birlikdə imama aid daha bir qısa salavatlar gətirəcəyik, onları deməyi heç vaxt tərk etməyin.
Azərbaycan Dili Tərcüməsi
Əllahummə inni əstəvdiukəl yəvmə nəfsi və əhli və mali və vuldi, və kullə mən kanə minni bisəbiliniş şahidə minhum vəl ğaib, Əllahumməhfəzna (bi-hifzikə) bihifzil imani vəhfəz ələyna, Əllahumməc`əlna fi hirzikə və la təslubna ni`mətək, və la tuğəyyir ma bina min ni`mətin və afiyəh, və zidna min fəzlikə inna iləykə rağibun.
La ilahə illəllah, vəllahu əkbəru vəl həmdu lillah.
Əssəlamu ələykə ya varisə Adəmə sifvətillah, əssəlamu ələykə ya varisə Nuhin nəbiyyillah, əssəlamu ələykə ya varisə İbrahimə xəlilillah, əssə-lamu ələykə ya varisə Musa kəlimillah, əssəlamu ələykə ya varisə İsa ruhillah, əssəlamu ələykə ya varisə Muhəmmədin həbibillah, əssəlamu ələykə ya varisə Əliyyin vəsiyyi rəsulil-lah, əssəlamu ələykə ya varisəl Həsənir rəziyy, əssəlamu ələy-kə ya varisə Fatimətə bintə rəsulillah, əssəlamu ələykə əy-yuhəş şəhidus siddiq, əssəlamu ələykə əyyuhəl vəsiyyul barrut təqiyy, əssəlamu ələl ərvahilləti həllət bifinaikə və ənaxət bi-rəhlik, əssəlamu əla məlaikə-tillahil muhdiqinə bik, əşhədu ənnəkə qəd əqəmtəs səlatə və atəytəz zəkatə və əmərtə bil mə`rufi və nəhəytə ənil mun-kər, və əbədtəllahə muxlisən hətta ətakəl yəqin, əssəlamu ələykə və rəhmətullahi və bərə-katuh.
Əssəlamu ələykə ya huccətəllahi fi ərzihi və səmaih.
Subhanəlləzi la tənfədu xə-zainuh, subhanəlləzi la təbidu məalimuh, subhanəlləzi la yəf-na ma indəh, subhanəlləzi la yuşriku əhədən fi hukmih, sub-hanəlləzi ləzmihlalə lifəxrih, subhanəlləzi lənqitaə limud-dətih, subhanəlləzi la ilahə ğəyruh.
Subhanə zil cəlalil bazixil əzim, subhanə zil izziş şamixil munif, subhanə zil mulkil faxi-ril qədim, subhanə zil bəhcəti vəl cəmal, subhanə mən tərəd-da bin nuri vəl vəqar, subhanə mən yəra əsərən nəmli fis səfa və vəq`ət təyri fil həva.
Əllahummə qəd təra məkani və təsməu kəlami, və təra məqami (məkani) və təzərrui və məlazi, biqəbri huccətikə vəbni nəbiyyik, və qəd əlimtə ya səyyidi həvaici və la yəxfa ələykə hali, və qəd təvəccəhtu iləykə bibni rəsulikə və huccə-tikə və əminik, və qəd ətəytukə mutəqərribən bihi iləykə və ila rəsulik, fəc`əlni bihi indəkə və-cihən fid dunya vəl axirəti və minəl muqərrəbin, və ə`tini biziyarəti əməli vəhəb li mu-nay, və təfəzzəl ələyyə bişəhvəti (bisu`li) və rəğbəti, vəqzi li həvaici və la təruddəni xaiba, və la təqtə` rəcai və la tuxəyyib duai, və ərrifnil icabətə fi cəmii ma dəəvtukə min əmrid dini vəd dunya vəl axirəh, vəc`əlni min ibadikəl-ləzinə sərəftə ənhumul bəlaya vəl əmraz, vəl fitənə vəl ə`raz, minəlləzinə tuhyihim fi afiyətin və tumituhum fi afiyəh, və tudxiluhumul cənnətə fi afiyətin və tuciruhum minən nari fi afiyəh, və vəffiq li bimənnin minkə səlahə ma uəmmilə fi nəfsi və əhli və vuldi, və ixvani və mali və cəmii ma ən`əmtə bihi ələyy, ya ərhəmər rahimin.
Əllahummə səlli əla Mu-həmmədin və ali Muhəmməd, və səlli ələl Huseynil məzlumiş şəhid, qətilil əbərati və əsiril kurubat, səlatən namiyətən zakiyətən mubarəkəh, yəs`ədu əvvəluha və la yənfədu axiru-ha, əfzələ ma səlləytə əla əhə-din min əvladil ənbiyai vəl mursəlin, ya rəbbəl aləmin, Əllahummə səlli ələl imamiş şəhidil məqtulil məzlumil məx-zul, vəs səyyidil qaidi vəl abidiz zahid, əl vəsiyyil xəlifətil imamis siddiqit tuhrit tahirit təyyibil mubarək, vər rəziyyil mərziyyi vət təqiyyil hadil məhdiyy, əz zahidiz zaidil mucahidil alimi imamil huda sibtir rəsul, və qurrəti əynil bətul, səlləllahu ələyhi və alihi və səlləm, Əllahummə səlli əla səyyidi və məvlayə kəma əmilə bitaətikə və nəha ən mə`siyətik, və baləğə fi rizvanikə və əqbələ əla imanik, ğəyrə qabilin fikə uzrən sirrən və əlaniyəh, yəd`ul ibadə iləykə və yədulluhum ələyk, və qamə bəynə yədəykə yəhdimul cəvrə bis səvab, və yuhyis sunnətə bil kitab, fəaşə fi rizvanikə məkdudən və məza əla taətikə və fi əvliyaikə məkduhən və qəza iləykə məfquda, ləm yə`sikə fi ləylin və la nəharin bəl cahədə fikəl munafiqinə vəl kuffar, Əllahummə fəczihi xəyrə cəzais sadiqinəl əbrar, və zaif ələyhimul əzabə və liqatilihil iqab, fəqəd qatələ kərimən və qutilə məzlumən və məza mərhumən yəqulu ənəbnu rəsulillahi Muhəmməd, vəbnu mən zəkka və əbədə fəqətəluhu bil əmdil mu`təmədi qətəluhu ələl iman, və ətau fi qətlihiş şəytanə və ləm yuraqibu fihir rəhman, Əllahummə fəsəlli əla səyyidi və məvlayə səlatən tərfəu biha zikrəh, və tuzhiru biha əmrəh, və tuəccilu biha nəsrəh, vəxsushu biəfzəli qisəmil fəzaili yəvməl qiyaməh, və zidhu şərəfən fi ə`la illiyyin, və bəlliğhu ə`la şərəfil mukər-rəmin, vərfə`hu min şərəfi rəh-mətikə fi şərəfil muqərrəbinə fir rəfiil ə`la, və bəlliğhul vəsilətə vəl mənzilətəl cəlilətə vəl fəzilətə vəl kəramətəl cəzi-ləh, Əllahummə fəczihi ənna əfzələ ma cazəytə imamən ən rəiyyətih, və səlli əla səyyidi və məvlayə kulləma zukirə və kulləma ləm yuzkər, ya səyyidi və məvlayə ədxilni fi hizbikə və zumrətik, vəstəvhibni min rəbbikə və rəbbi, fəinnə ləkə indəllahi cahən və qədrən və mənzilətən rəfiəh, in səəltə u`titə və in şəfə`tə şuffi`təllahə Əllahə fi əbdikə və məvlak, la tuxəllini indəş şədaidi vəl əhvali lisui əməli və qəbihi fi`li və əzimi curmi, fəinnəkə əməli və rəcai və siqəti və mu`təmədi, və vəsiləti iləllahi rəbbi və rəbbik, ləm yətəvəssəlil mutə-vəssilunə iləllahi bivəsilətin hiyə ə`zəmu həqqa, və la əv-cəbu hurmətən və la əcəllu qəd-rən indəhu minkum əhləl bəyt, la xəlləfəniyəllahu ənkum bizunubi, və cəməəni və iyya-kum fi cənnəti ədninilləti əəddəha ləkum və liəvliyaikum, innəhu xəyrul ğafirinə və ərhəmur rahimin, Əllahummə əbliğ səyyidi və məvlayə təhiy-yətən kəsirətən və səlama, vər-dud ələyna minhus səlam, in-nəkə cəvadun kərimun və səlli ələyhi kulləma zukirəs səlamu və kulləma ləm yuzkər, ya rəbbəl aləmin.
