Dəyirmanın daşı getdikcə sürətlənəcək, möhkəm dayanın

Dəyirmanın daşı getdikcə sürətlənəcək, möhkəm dayanın
“Bir zaman gələr ki, o zaman birinin dinində səbr etməsi (dinə edilən hücumlar qarşısında dözməsi və müqavimət göstərməsi) əldə yanar közü saxlamaq kimi olar”.
Bu hədisin digər nəqlində isə buyurur:
Onlara sizdən (səhabələrdən) əlli nəfərinizin mükafatı verilər.
Dedilər: Ey Allahın Rəsulu! Bizlərdən əlli nəfərin?
Peyğəmbər (s) buyurdu: Bəli, sizlərdən əlli nəfərin! – (və bu sözü üç dəfə təkrar etdi).
قَالَ رَسُولُ اللَّهِ (ص): يَأْتِي عَلَى النَّاسِ زَمَانٌ الصَّابِرُ مِنْهُمْ عَلَى دِينِهِ كَالْقَابِضِ‏ عَلَى‏ الْجَمْرِ.
يَأْتِي عَلَى النَّاسِ زَمَانٌ الصَّابِرُ مِنْهُمْ عَلَى دِينِهِ لَهُ أَجْرُ خَمْسِينَ مِنْكُمْ.
قَالُوا: يَا رَسُولَ اللَّهِ، أَجْرُ خَمْسِينَ مِنَّا قَالَ: نَعَمْ، أَجْرُ خَمْسِينَ مِنْكُمْ، قَالَهَا ثَلَاثاً.
Şeyx Tusi, “əl-Əmali”, s.484, hədis: 29-1060 və 30-1061.
Bu hədisin əhli-sünnə hədis qaynaqlarında nəql edilən nüsxəsində isə Peyğəmbərimiz (s) buyurur:
اشتقت لأحبابي، قالوا: لسنا أحبابك؟ قال : لا، أنتم أصحابي، أحبابي أناس يأتون في آخر الزمان القابض منهم على دينه كالقابض على الجمر، أجرهم كأجر سبعين، قالوا: منا أم منهم؟ قال: بل منكم، لأنكم تجدون على الخير معواناً ولا يجدون
“Sevimli dostlarım üçün darıxmışam.
Səhabələr dedilər: Biz sənin dostların deyilikmi?
Buyurdu: Xeyr, siz mənim əshabımsız. Sevimli dostlarım isə o insanlardırlar ki, axir-zamanda gələcəklər. Onların öz dinində möhkəm dayananları əlində yanar köz saxlayan kimi olacaq. Onların mükafatı yetmiş nəfərin əcrinə bərabər olacaq.
Dedilər: Bizdən, yoxsa, onların özlərindən?
Buyurdu: Sizdən yetmiş nəfərin. Çünki sizin xeyir işlər üçün özünüzə kömək tapa bilirsiniz, onlar isə köməksiz olacaqlar.

• (İbn Ərəbi, “Əhkamul-Quran”, c.2, s.229; İbn Teymiyyə, “Əhadisul-Qussas”, s.64).