Əhli-Beyt (ə) Təlimləri Ensiklopediyası
Dil:
Təsadüfi Səhifə İdarə Paneli
SonÜmid TV
Bütün Surələrin Siyahısına Qayıt
78. Ən-Nəbə 80. Əbəsə
79

Ən-Naziat Surəsi

46 Ayə • 30-ci Cüz • Məkkədə nazil olub
Bu Surənin Təfsiri-Nümunəsini Oxu →
سُورَةُ النازعات Ayətəllah Mişkini Tərcüməsi

Ən-Naziat Surəsi (Tam Səsli Qiraət)

Şeyx Mişari Rəşid Əl-Afasi (Mishary Alafasy) tilavəti

بِسْمِ اللَّهِ الرَّحْمَٰنِ الرَّحِيمِ

Bağışlayan və mehriban Allahın adı ilə

1 Ən-Naziat Surəsi, Ayə 1

وَٱلنَّٰزِعَٰتِ غَرْقًۭا ﴿1﴾

Mişkini Tərcüməsi: And olsun kafirlərin canlarını şiddətlə (bədənlərindən) çəkib çıxaran mələklərə,
2 Ən-Naziat Surəsi, Ayə 2

وَٱلنَّٰشِطَٰتِ نَشْطًۭا ﴿2﴾

Mişkini Tərcüməsi: (And olsun) möminlərin canlarını yumşaqlıqla və rahatlıqla alan mələklərə və şərqdən aramla çıxan (və qərb tərəfə gedən) ulduzlara,
3 Ən-Naziat Surəsi, Ayə 3

وَٱلسَّٰبِحَٰتِ سَبْحًۭا ﴿3﴾

Mişkini Tərcüməsi: (And olsun) insanların ruhlarını aldıqdan sonra sürətlə Bərzəx Cənnətinə, ya Cəhənnəminə aparan mələklərə,
4 Ən-Naziat Surəsi, Ayə 4

فَٱلسَّٰبِقَٰتِ سَبْقًۭا ﴿4﴾

Mişkini Tərcüməsi: (And olsun) Allahın əmrlərini yerinə yetirməkdə bir-birlərini ötən mələklərə və (and olsun) haqq yolunda döyüşənlərin bir birlərini qabaqlayan atlarına,
5 Ən-Naziat Surəsi, Ayə 5

فَٱلْمُدَبِّرَٰتِ أَمْرًۭا ﴿5﴾

Mişkini Tərcüməsi: (And olsun) dünyanın işlərini idarə edən mələklərə (aləm onların Allah iradəsinin inikası olan iradələri ilə idarə olunar). (Bu beş andda məqsəd budur ki, siz hamınız diriləcəksiniz).
6 Ən-Naziat Surəsi, Ayə 6

يَوْمَ تَرْجُفُ ٱلرَّاجِفَةُ ﴿6﴾

Mişkini Tərcüməsi: O gün o titrədən (surun birinci dəfə üfürülməsi bütün kainatı) şiddətlə titrədəcək (sükunət halında olan cisimlərin hamısı titrəyəcək və bütün canlılar öləcəklər).
7 Ən-Naziat Surəsi, Ayə 7

تَتْبَعُهَا ٱلرَّادِفَةُ ﴿7﴾

Mişkini Tərcüməsi: Başqa bir titrədən (surun ikinci dəfə üfürülüşü) onun ardınca (Allahdan başqa heç kimin bilmədiyi bir fasilə ilə) gələcəkdir (və bütün ölüləri dirildəcəkdir).
8 Ən-Naziat Surəsi, Ayə 8

قُلُوبٌۭ يَوْمَئِذٍۢ وَاجِفَةٌ ﴿8﴾

Mişkini Tərcüməsi: O gün ürəklər bərk iztirab və qorxu (içində) olar.
9 Ən-Naziat Surəsi, Ayə 9

أَبْصَٰرُهَا خَٰشِعَةٌۭ ﴿9﴾

Mişkini Tərcüməsi: Gözləri zəlilcəsinə yerə dikilər.
10 Ən-Naziat Surəsi, Ayə 10

يَقُولُونَ أَءِنَّا لَمَرْدُودُونَ فِى ٱلْحَافِرَةِ ﴿10﴾

Mişkini Tərcüməsi: (O kəslər ki, bu gün) deyirlər: «Məgər biz (öldükdən sonra yenidən həyatımızın) əvvəl(ində)ki vəziyyətimizə qaytarılacagıq?!»
11 Ən-Naziat Surəsi, Ayə 11

أَءِذَا كُنَّا عِظَٰمًۭا نَّخِرَةًۭ ﴿11﴾

Mişkini Tərcüməsi: «(Özü də) çürümüş parça-parça sümüklər olduğumuz zamanmı?!»
12 Ən-Naziat Surəsi, Ayə 12

قَالُوا۟ تِلْكَ إِذًۭا كَرَّةٌ خَاسِرَةٌۭ ﴿12﴾

Mişkini Tərcüməsi: (Onlar) deyirlər: «Elə isə bu, ziyanlı bir dönüşdür!»
13 Ən-Naziat Surəsi, Ayə 13

فَإِنَّمَا هِىَ زَجْرَةٌۭ وَٰحِدَةٌۭ ﴿13﴾

Mişkini Tərcüməsi: Həqiqətən, o (dönüş) yalnız bir nə’rə(nin surun ikinci dəfə üfürülməsilə)dir.
14 Ən-Naziat Surəsi, Ayə 14

فَإِذَا هُم بِٱلسَّاهِرَةِ ﴿14﴾

Mişkini Tərcüməsi: Qəfildən onların hamısı dümdüz, boş bir yerdə olacaqlar.
15 Ən-Naziat Surəsi, Ayə 15

هَلْ أَتَىٰكَ حَدِيثُ مُوسَىٰٓ ﴿15﴾

Mişkini Tərcüməsi: Musanın hekayəti sənə gəlib çatdımı?
16 Ən-Naziat Surəsi, Ayə 16

إِذْ نَادَىٰهُ رَبُّهُۥ بِٱلْوَادِ ٱلْمُقَدَّسِ طُوًى ﴿16﴾

Mişkini Tərcüməsi: O zaman ki, Rəbbi onu müqəddəs «Tuva» vadisində səslədi:
17 Ən-Naziat Surəsi, Ayə 17

ٱذْهَبْ إِلَىٰ فِرْعَوْنَ إِنَّهُۥ طَغَىٰ ﴿17﴾

Mişkini Tərcüməsi: «Fironun yanına get! Çünki o tüğyan etmişdir».
18 Ən-Naziat Surəsi, Ayə 18

فَقُلْ هَل لَّكَ إِلَىٰٓ أَن تَزَكَّىٰ ﴿18﴾

Mişkini Tərcüməsi: Və de: «(Küfr və tüğyandan) təmizlənmək istəyirsənmi?
19 Ən-Naziat Surəsi, Ayə 19

وَأَهْدِيَكَ إِلَىٰ رَبِّكَ فَتَخْشَىٰ ﴿19﴾

Mişkini Tərcüməsi: Səni Rəbbinə tərəf hidayət edimmi ki, Ondan qorxasan?»
20 Ən-Naziat Surəsi, Ayə 20

فَأَرَىٰهُ ٱلْءَايَةَ ٱلْكُبْرَىٰ ﴿20﴾

Mişkini Tərcüməsi: Beləliklə, (tovhid və öz peyğəmbərliyi barədə olan) o çox böyük nişanəni (müxtəlif hallara düşən əsanı) ona göstərdi.
21 Ən-Naziat Surəsi, Ayə 21

فَكَذَّبَ وَعَصَىٰ ﴿21﴾

Mişkini Tərcüməsi: O, (isə) təkzib etdi və asi oldu.
22 Ən-Naziat Surəsi, Ayə 22

ثُمَّ أَدْبَرَ يَسْعَىٰ ﴿22﴾

Mişkini Tərcüməsi: Sonra arxa çevirdi, (Musanın əleyhinə) çalışdı.
23 Ən-Naziat Surəsi, Ayə 23

فَحَشَرَ فَنَادَىٰ ﴿23﴾

Mişkini Tərcüməsi: O, (öz qövmünü) topladı, və (onlara) xitab edib
24 Ən-Naziat Surəsi, Ayə 24

فَقَالَ أَنَا۠ رَبُّكُمُ ٱلْأَعْلَىٰ ﴿24﴾

Mişkini Tərcüməsi: Dedi: «Mən sizin ən uca rəbbinizəm». (Mal-dövlət xərclədiyinə və camaatın işlərini idarə etdiyinə görə özünü bütlərdən və onların digər ərbablarından üstün bir rəbb hesab edirdi).
25 Ən-Naziat Surəsi, Ayə 25

فَأَخَذَهُ ٱللَّهُ نَكَالَ ٱلْءَاخِرَةِ وَٱلْأُولَىٰٓ ﴿25﴾

Mişkini Tərcüməsi: Beləliklə, Allah onu əvvəlinci və axırıncı küfrlü sözlərinin cəzası olaraq yaxaladı. Axirətin və dünyanın ibrətamiz əzabına giriftar etdi (Dəstəsi ilə birlikdə suda qərq edilməsi onun dünya əzabı, gecə-gündüz Bərzəx odunda yandırılması isə onun axirət əzabıdır.).
26 Ən-Naziat Surəsi, Ayə 26

إِنَّ فِى ذَٰلِكَ لَعِبْرَةًۭ لِّمَن يَخْشَىٰٓ ﴿26﴾

Mişkini Tərcüməsi: Şübhəsiz, bunda (bu hadisədə) (Allahdan) qorxan bir kəs üçün ibrət vardır.
27 Ən-Naziat Surəsi, Ayə 27

ءَأَنتُمْ أَشَدُّ خَلْقًا أَمِ ٱلسَّمَآءُ ۚ بَنَىٰهَا ﴿27﴾

Mişkini Tərcüməsi: (Ölümdən sonra) sizi yaratmaq daha çətindir, yaxud göy(ü yaratmaq) ki,(Allah) onu yaratdı?
28 Ən-Naziat Surəsi, Ayə 28

رَفَعَ سَمْكَهَا فَسَوَّىٰهَا ﴿28﴾

Mişkini Tərcüməsi: Tavanını ucaltdı və (yaradılışını, zatının mahiyyəti, planetləri və onların düz və dairəvi hərəkətləri baxımından) nizama saldı.
29 Ən-Naziat Surəsi, Ayə 29

وَأَغْطَشَ لَيْلَهَا وَأَخْرَجَ ضُحَىٰهَا ﴿29﴾

Mişkini Tərcüməsi: Gecəsini qaranlıq və gündüzünü də aşkar etdi.
30 Ən-Naziat Surəsi, Ayə 30

وَٱلْأَرْضَ بَعْدَ ذَٰلِكَ دَحَىٰهَآ ﴿30﴾

Mişkini Tərcüməsi: Və bundan sonra yeri döşədi və hamarladı və (onu öz oxunun ətrafında hərəkətə və günəş ətrafında hərəkətə gətirdi) fırlatdı.
31 Ən-Naziat Surəsi, Ayə 31

أَخْرَجَ مِنْهَا مَآءَهَا وَمَرْعَىٰهَا ﴿31﴾

Mişkini Tərcüməsi: Onun daxilindəki sularını, otlaqlarını və bitkilərini çıxartdı.
32 Ən-Naziat Surəsi, Ayə 32

وَٱلْجِبَالَ أَرْسَىٰهَا ﴿32﴾

Mişkini Tərcüməsi: Dağları (yer üzərində) sabit və möhkəm etdi ki,
33 Ən-Naziat Surəsi, Ayə 33

مَتَٰعًۭا لَّكُمْ وَلِأَنْعَٰمِكُمْ ﴿33﴾

Mişkini Tərcüməsi: (Bütün bunlar) sizin və heyvanlarınızın (dünyada) bəhrələnməsi üçündür.
34 Ən-Naziat Surəsi, Ayə 34

فَإِذَا جَآءَتِ ٱلطَّآمَّةُ ٱلْكُبْرَىٰ ﴿34﴾

Mişkini Tərcüməsi: O çox böyük bəla (Qiyamət) yetişdikdə,
35 Ən-Naziat Surəsi, Ayə 35

يَوْمَ يَتَذَكَّرُ ٱلْإِنسَٰنُ مَا سَعَىٰ ﴿35﴾

Mişkini Tərcüməsi: O gün insan səy ilə etdiyi işləri (şəxsi əməl dəftəri və ümumi Lövhi-Məhfuz vasitəsilə) yadına salacaqdır,
36 Ən-Naziat Surəsi, Ayə 36

وَبُرِّزَتِ ٱلْجَحِيمُ لِمَن يَرَىٰ ﴿36﴾

Mişkini Tərcüməsi: Cəhənnəm hər bir görənə (kor surətdə həşr olunmayana) aşkar olacaqdır.
37 Ən-Naziat Surəsi, Ayə 37

فَأَمَّا مَن طَغَىٰ ﴿37﴾

Mişkini Tərcüməsi: Amma kim (dünyada) tüğyan etmişsə,
38 Ən-Naziat Surəsi, Ayə 38

وَءَاثَرَ ٱلْحَيَوٰةَ ٱلدُّنْيَا ﴿38﴾

Mişkini Tərcüməsi: Və dünya həyatını (axirətdən) üstün tutmuşsa,
39 Ən-Naziat Surəsi, Ayə 39

فَإِنَّ ٱلْجَحِيمَ هِىَ ٱلْمَأْوَىٰ ﴿39﴾

Mişkini Tərcüməsi: Şübhəsiz, onun yeri Cəhənnəmdir!
40 Ən-Naziat Surəsi, Ayə 40

وَأَمَّا مَنْ خَافَ مَقَامَ رَبِّهِۦ وَنَهَى ٱلنَّفْسَ عَنِ ٱلْهَوَىٰ ﴿40﴾

Mişkini Tərcüməsi: Amma kim öz Rəbbinin məqamından, Onun hüzurunda durmaqdan qorxub və nəfsini həvayi-həvəsdən saxlamışsa,
41 Ən-Naziat Surəsi, Ayə 41

فَإِنَّ ٱلْجَنَّةَ هِىَ ٱلْمَأْوَىٰ ﴿41﴾

Mişkini Tərcüməsi: Şübhəsiz, onun yeri Cənnətdir. (Bu beş ayə 79|34|-cü ayəyə cavabdır).
42 Ən-Naziat Surəsi, Ayə 42

يَسْـَٔلُونَكَ عَنِ ٱلسَّاعَةِ أَيَّانَ مُرْسَىٰهَا ﴿42﴾

Mişkini Tərcüməsi: Daim səndən Qiyamətin nə vaxt qopacağı barəsində soruşarlar.
43 Ən-Naziat Surəsi, Ayə 43

فِيمَ أَنتَ مِن ذِكْرَىٰهَآ ﴿43﴾

Mişkini Tərcüməsi: Sən onu (onun vaxtını) nə bilirsən?
44 Ən-Naziat Surəsi, Ayə 44

إِلَىٰ رَبِّكَ مُنتَهَىٰهَآ ﴿44﴾

Mişkini Tərcüməsi: Onun sonu sənin Rəbbinə tərəfdir (Onun həqiqətinə, necəliyinə və zamanına dair elm Ona məxsusdur).
45 Ən-Naziat Surəsi, Ayə 45

إِنَّمَآ أَنتَ مُنذِرُ مَن يَخْشَىٰهَا ﴿45﴾

Mişkini Tərcüməsi: Həqiqətən, sən ancaq ondan (Qiyamətdən) qorxanları çəkindirənsən. (Etiqad bəsləməyə vadar edən və qarşı çıxanlara cəza verən deyilsən).
46 Ən-Naziat Surəsi, Ayə 46

كَأَنَّهُمْ يَوْمَ يَرَوْنَهَا لَمْ يَلْبَثُوٓا۟ إِلَّا عَشِيَّةً أَوْ ضُحَىٰهَا ﴿46﴾

Mişkini Tərcüməsi: Onlar Qiyaməti gördükləri gün (belə güman edəcəklər ki, dünyada, yaxud bütün Bərzəx aləmi boyunca) elə bil yalnız bir axşam, yaxud bir səhərdən artıq qalmamışlar. (Axirət aləminin əbədiyyətinin müqabilində nəzərlərinə belə gələcəkdir).
Əvvəlki: 78. Ən-Nəbə Bütün Surələr ↑ Növbəti: 80. Əbəsə