31. Tövbə və qayıdış

O Həzrətin Allaha tövbə etməsində yardım diləməsi\nİlahi! Vəsf edənlərin vəsfi Səni vəsf edə biləz, ümid edənlərin ümidi Səndən yuxarı keçməz, əməlisalehin mükafatı Sənin yanında zay olmaz, ibadət edənlərin qorxusu Sənə qayıdar, Sən təqva əhlinin qorxusunun sonusan, bu məkan günah içrə oyuncağa çevrilən bir kəsin yeridir, günahlar cilovu onu irəli qovmuş, Şeytan ona qalib gəlmişdir, buna görə də əmrinin icrasında səhlankarlıq etmiş, nadanlıq və qürur üzündən qadağan etdiyin şeyə bulaşmışdır, Sənin özünə olan qüdrətindən xəbərsizlər kimi, yaxud onun haqqında ehsan və lütfünü inkar edən kimsə kimi, \nvə hidayət gözünü açıb korluq buludları aradan getdikdə, özünə etdiyi zülmləri sayıb öz Allahı ilə müxalifət etdiyi işlərdə düşündükdə birdən üsyanının böyüklüyünü bəsirət tapdıqda, o zaman ümidvar bir qəlb, xəcalətli üzlə üz gətirdi, etimad edərək şövqlə Sənə sarı üz tutdu, yəqin üzündən tamahla Səni səslədi, ixlasla qorxu azuqəsi ilə Səni qəsd etdi, halbuki Səndən savayı kimsəyə tamah salmamış, Səndən başqa kimsədən qorxmamışdır, beləliklə nalə edərək hüzurunda dayanmış, zəlilliklə gözünü yerə dikmiş, izzətin qarşısında zillətlə başını aşağı salmış, ixlas üzündən Sənin ondan daha yaxşı bildiyin sirrini Sənin üçün aşkar etdi, sidqlə sayına ondan daha yaxşı xəbərdar olduğun günahlarını Sənin üçün sayaladı, qəzavü-qədərinlə ona gələn rüsvayçılığından Sənə pənah gətirmişdir: Zilləti ötən günahlar, lakin zərərli aqibətiöz yerində qalmışdır, yaxasını tutmuşdur. \nİlahi! əgər bu bəndənə cəza versən ədalətini inkar etməz və əgər ondan keçib onu əfv etsən, ona rəhm etsən, əfvini böyük saymaz, \nçünki Sən kərim olan Allahsan, böyük günah bağışlamaq nəzərində böyük deyildir. \nİlahi! artıq mənəm ki, fərmanına baş əyərək huzuruna gəlmişəm, çünki Səni çağırmağını icabətinə verdiyin vədə vəfa etməyini istəyirəm, çünki Sən «Məni çağırın ki, duanızı qəbul edim»-deyə buyurmusan. \nEy mənim Rəbbim, Muhəmməd və onun soyuna salam yetir və günahıma etiraf etdiyim kimi Sən də məni əfv et, qarşında alçaldığım kimi Sən də mənim xətalarımdan keç, intiqam almaqda tələsmədiyin kimi üzərinə pərdə ört. \nİlahi! İtaətinə olan niyyətimi möhkəmləndir, ibadətinə olan düşüncəmi sabit qədəm et, məni elə bir əmələ müvəffəq et ki, onunla günahımı yuyasan, dünyadan getdikdə məni Özünün və peyğəmbərinin dini ilə öldür. \nİlahi! İndi olduğum vəziyyətdə böyük və kiçik günahlarımla, gizli və aşkar, keçmiş və indiki xətalarımla Sənə sarı qayıdıram, qəlbindən günah qayıtmaq keçməyənlər kimi, fikrinə günaha dönmək girməyən bəndələr kimi, \ney mənim Rəbbim, Sən özün möhkəm olan kitabında buyurmusan ki, bəndələrindən tövbəni qəbul edirsən, günahlarından keçirsən, tövbə edənləri sevirsən, belə isə verdiyin vədə əsasən tövbəmi qəbul et, zamin qaldığın kimi günahla-rımdan keç, şərt etdiyin kimi məhəbbətini mənə lazım et, və mən də bütün bu ehsanların müqabi-lində əhd edirəm ki, Sənki bəyənmədiyin şeyə sarı qayıtmayım, qınadığın şeyə dönməməyimə zəmanət verirəm, peyman bağlayıram ki, bütün günahla-rımdan uzaq olum. \nİlahi, məndən baş verən işə Sən daha agahsan, belə isə xəbərdar olduğum şeyləri mənə bığışla, Öz\nqüdrətinlə məni sevdiyin şeylərə yönəlt. \nİlahi, boynumda bildiyim və unutduğum bəlalar var, bütün bunlar Sənin yuxuya dalmayan gözlərin önündədir, unutqanlığa yol verməyən elmin yanın-dadır, belə isə o bəlaların müqabilində sahibinə əvəz ver, onun çətinliklərini məndən kənarlaş-dır, ağırlığını canımın üzərindən götür, onun kimi hadisələrə düçar olmaqdan saxla, \nİlahi, Sən qorumasan tövbə əhdimi saxlaya bilmərəm, günahdan qoruna bilmərəm, belə isə məni o kifayət edici qüdrətinlə gücləndir, \nÖzün günahdan çəkinməkdə yardım göstər. İlahi, dərgahına tövbə edən hər bəndənin əhdini sındırıb günaha meyl etməsini bilirsən, belə olmaqdan Sənə pənah aparıram, artıq bu tövbəmi elə bir tövbəyə ehtiyacım olmasın, keçmiş günahların məhvinə səbəb olan, ömrümün qalan günlərində günaha yönəlməməyimə əmin olan bir tövbə. İlahi, öz nadanlığıma görə Səndən üzr istəyirəm, pis əməlinə görə məni əfv etməyini diləyirəm, belə isə Öz lütfünlə məni rəhmətinin pənahında yerləşdir, ehsanınla mənə əmin-amanlıq libası geyindir. İlahi, qəlbimdən keçən, gzümün xəyanəti ilə, dilimlə deyilən və isətdinlə müxalif olan, yaxud məhəbbət dairəndən kənara salan hər bir şeydən elə bir tövbə edirəm ki, bədən əzalarımdan hər biri əzabdan amanda qalsın, günahkarların qorxduğu qəzəbindən nicat tapsın. İlahi, dərgahındakı təkliyimə, qorxundan ürəyimin çırpınmasına, heybətindən bədənimin titrəməsinə rəhm et, çünki günahlarım ey mənim Rəbbim məni dərgahında rüsvayçılıq kürsüsünə oturmuşdur, \nəgər danışmasam kimsə mənim tərəfimdən söz deməz, əgər özüm şəfaət etsəm bir kəs deyiləm ki, şəfaətim qəbul oluna. İlahi, Muhəmməd və onun soyuna salam yetir və kərəmini günahlarıma şəfaətçi qərar ver, öz əfvinlə pisliklərimi bağışla, məni Öz cəzanla cəzalandırma, ehsan sifəti üzümə geniş aç, məni əfv pərdənlə ört, zəlil bir bəndənin qapısına gedib ona rəhm edən qüdrətli kimi yaxud yolunun başında oturan fəqirin əlindən tutan dövlətli kimi davaran. İlahi, Sənin qarşında bir pənahım yoxdur, buna görədə izzətin mənə pənah verməlidir, sənin tərəfinə şəfaət edənim yoxdur, buna görədə lütfün mənə şəfaət etməlidir, günahlarım qorxuya salmışdır, buna görə də əfvin məni əmin etməlidir, çünki pis əməlimə görə cəhalət üzündən dilimə gətirdiklərim keçmiş pis işlərimi unutmağım üzündən sənin göyün və onda olanlar, yer üzün və üzərində olanlar aşkar etdiyim cəhalətimi və səbəbi ilə Sənə pənah apardığım tövbəmi eşitsinlər ki, bəlkə bunlardan birisi halıma rəhm etsinlər, yaxud halımın ağırlamasına kövrəlsinlər, bəlkə öz tərəfindən mənim üçün biri dua edələr ki, \nmənim öz duamdan Sənin yanında icabətə daha yaxın olsun, yaxud da mənə elə bir şəfaət nəsib olusun ki, öz şəfaətimdən daha möhkəm olsun, qəzəbindən nicat tapıb razılığına yetişməyim də onda olmuş olsun. \nİlahi, əgər Sənin dərgahında tövbə peşmançılıqdırsa, o surətdə mən hamıdan çox peşmanam, əgər günahı rətk etmək tövbə sayılırsa mən ilk tövbə edənəm, əgər istiğfar etmək günahların aradan getməsinə səbəb olursa mən Sənin qarşında bağışlanma diləyənlərdənəm. \nİlahi, tövbəyə rəğbətləndirib qəbul edilməsinə vədə verdiyin kimi Muhəmməd və onun soyuna salam yetir, və tövbəmi qəbul et, rəhmətindən ümidsiz və mə’yus halda qaytarma, çünki Sən günahkarların tövbəsini qəbul edən, Sənə sarı səmimi qəlblə qayıdanların xətalarını bağışlayansan. \nİlahi, Muhəmməd və onun soyuna salam yetir ki, onun vasitəsi ilə bizə kəramət nəsib etdin, Muhəmməd və onun soyuna salam yetir, bir cür ki, qiyamət və ehtiyac günündə bizə şəfaət etsin, Sən hər şeyə qadirsən, o iş Sənə asandır.