32. Gecə namazından sonra

İlahi, ey əbədi və həmişəlik mülk sahibi, ey ordusuz məğlub edilməz səltənət sahibi, ey ruzi-garın ötüb illərin keçməsi ilə belə daimi izzət sahibi, hökmdarlığın elə qalibdir ki, əvvəlinin həddi, axırının sonu yoxdur, şahlığın elə uca-dır ki, onun yüksəkliyinə yetməkdən hər şey aciz qalmışdır, vəsf edənlərin ən ali vəsfi sahib olduğun məqamın ən aşağı mərtəbəsinə belə yetməz, məqamını vəsf etməkdə sifətlər acizdir, Səni məhd etmək üçün tə’riflər bir-birindən ayılmış, ucalığının dərgahında ən dəqiq təsəvvürlər belə sərgərdandırlar, Sən ey əzəli Allah, əzəli olma-dığında belə olmusan, bu mərhələdə daim qala-caqsan, və əməli az arzusu çox olan bəndə mənəm, sənə birləşmək vasitələri əlimdən çıxmışdır, \nməgər bu ki, əfvinlə ona əl atam, hesaba gətirə biləcək itaətim az, etiraf edəcəyim günahlar çoxdur, pis iş törədsə də bağışlamaq Sənə ağır gəlməz, belə isə məni əfv et. İlahi, elmin gizli əməllərindən agahdır, xəbərdar olmağının qarşısında hər bir örtülü şey aşkardır, işlərin dəqiqliyi nəzərindən gizli deyildir, həqiqətən də Sənin və mənim düşmənim mənə qalib gəlmişdir, Səndən möhlət istəmiş və Sən də müəyyən məsləhə görə ona möhlət verdin, belə olduqda bu qəddar düşmən məni yerə vurdu, halbuki həlakedici kiçik və böyük günahlardan Sənə sarı qaçdım, sonra günah etdim, pis əməlimin nəticə-sində Sənin qəzəbinə layiq görüldüm, cəhalət Sənin tədbir və hiyləni məndən qaytardı, özünün küfr kəlməsi ilə mənimlə üz-üzə gəldi, məndən usandı, mənə arxa çevirib yola düşdü, məni Sənin qəzəbin qarşısında tək qoydu, intiqam meydanında məni boşladı, kimsə məndən dərgahında şəfaət etməz, bir pənah verəndə qarşında aman verməz, \nheç bir möhkəm qala da Sənin qarşında məndən ötrü maneə törədə bilməz, Səndən başqa səmtə\npənah aparacaq yerim də yoxdur; \nİndi Sənə pənah aparan, günahına etiraf edən bir kimsə kimi qarşında dayanmışam, olmaya lütfün məndən niyi isə əsirgəməyəcək, yaxud əfvin mənim haqqımda səhlənkarlıq edəcək? ! Yaxud tövbə edən bəndələrindən ən ziyankarı, ne’mətini gözləyənlərdən ən ümidsizlimi olacağam? \nMəni əfv et ki, Sən əfv edənlərin ən yaxşısısan. \nİlahi, mənə əmr etdin və mən məhəl qoymadım, qadağan etdin və mən o işə bulaşdım, düşüucə günahın pisliyini nəzərimdə bəzədi, və buna görə də xəta etdim, nə bir günü oruc tutdum ki, şahid gətirəm, nə də bir gecəni ayaq qaldım ki, ona pənah aparım, nə bir sünnəti dirçəldim ki, məni yaxşılıqla yad etsinlər, yalnız vacib işləri yerinə yetirdim ki, onları da tərk edən həlak olar ki, nə bir nafilə yerinə yetirdim ki, onun səbəbi ilə Sənə dəlil düşüm, halbuki vacib əməllərin çoxunun şərtlərini qəflət üzündən əməl gətirmədim, Sənin qoyduğun sərhəd və qanunlardan hörmət pərdələrini yırtdım, elə böyük günahlara əl atmışam ki, yalnız Sənin hifzini bu rüsvayçılıqların qarşısında pərdə salsınlar. \nBu özünə görə Səndən xəcalətli, özünə qarşı qəzəbin və Səndən razı qalan kimsənin məqamıdır, beləliklə pərişan könül, başı aşağı, arxası günah yükü ilə ağırlaşmış halda Səninlə üz-üzə dayanmış, Sənə qarşı ümid və qorxu ilə dayan-mışdır, ümid edilməyə ən layiqli kimsə Sənsən, itaət edilməyə v əqorxmağa ən layiqli də Sənsən. \nİlahi, belə olduğu təqdirdə ümid etdiyim şeyləri mənə bəxş et, qorxuduğum şeydən mənə aman ver, rəhmətini halıma and et ki, Sən hacət istənilənlərin ən kəramətlisisən. \nİlahi, indi ki, məni Öz əfvini pərdəsi ilə örtdün, və fani bu dünyada görənlərin gözü önündə məni Öz bəxişişində qərq etdin, məni axirət dünyasında mələklərin hazır olanların, peyğəm-bərlərin, şəhid və siddiqlərin, salehlərin gözləri önündə rüsvay olmaqdan pənah ver; \nİlahi, eyblərimi gizlətdiyim qonşu və qohu-mumdan xəcalət çəkirdim, eyblərimin üzərinə pərdə çəkməklərinə e’timadım yox idi, və sənə etimad etdim, ey mənim Rəbbim, ki məni əfv edə-sən, Sən etimad edilənlərin ən yaxşısısan, üz gətirənlərdən ən üstün bəxşiş edənsən, rəhməti istənilənlərdən hamıdan çox rəhm edənsən, \nbelə isə mənə rəhm et. İlahi! Sən məni dəyərsiz su halında bir-birinə yapışmış sümüklər ara-sından, yolları çox dar yerdən pərdələrlə örtdü-yün dar bir rəhimə axıtdın, bu zaman məni bir haldan başqa bir hala saldın. Sonra surətin kamilliyinə yetirdin, bədənimdə əzalar qərar verdin, kitabında vəsf etdiyin kimi: Nütfə, sonra laxtalanmış qan, ondan sonra ət, sonra sümüklərin düzəlişi, sonra sümükləri ətlə örtdün, sonra məni istədiyin başqa bir mərhələyə yetirdin, və Sənin ruzinə ehtiyac duyduqda lüt’fünün yardı-mından ehtiyacsız olmadıqda mənim üçün ruzi hazırladın və o yemək içməyin qalanını məni bətnində yerləşdirdiyin kənizinin vasitəsiylə mənə yetirdin. Və əgər məni -ey mənim Rəbbim –belə bir hallarda öz tədbirimə boşlasaydım, yaxud öz gücümdən istifadə etməyə çarəsiz etsəydim Həqiqə-təndə hədəfə yetişmək yolu məndən uzaqlaşar güc və qüvvətim məndən çəkilərdi, belə bir halda öz lütf və ehsanınla əməli saleh və ürəyi yanan kimsə kimi mənə yemək verdin və bütün bu ehsanlarını yetdi yim bu vaxtınadək mənim haqqımda öz\nfəzilətindən yerinə yetirsənə sənin xeyrindən məhrum olmuram, ne’mətlərinin yaxşılığı mənim haqqımda tə’xirə düşmür, bütün bunlarla belə Sənə olan e’timadım möhkəmləşmir ki, Sənin yanında mənə daha faydalı olanı sə’y göstərim, yəqinimin zəif olmasında və pis gümanına görə şeytan cilovumu öz əlinə almışdır, buna görə də onun mənə qarşı pis rəftarından və nəfsinin o qorxunc məxluqdan itaət etməsindən şikayətim vardır, onun mənə qalib gəlməsindən sənə pənah gətirirəm, onun hiyləsini məndən qaytarmaq üçün sənə namə edirəm, və səndən istəyirəm ki, ruzi ələ gətirmək üçün məndən ötrü olan bir yol qərar versən. \nBeləliklə böyük neymətlərini başladığın üçün, ehsan və neymətlərinə şükr etməyi ilham etdiyin üçün Sənə həsid olsun. Belə isə Muhəmməd və onun soyuna salam yetir və ruzi işini mənə asan et, mənim üçün təyim etdiyinə qane et, mənə qismət etdiyin payıma görə razı et, cism və ömründən sərf olunanı öz itaətinin yolunda hesab et ki, Sən, ruzi verənlərin ən yaxşısısan. \nİlahi, etdiyin günaha görə cəza verəyəcəyin oddan Sənə pənah gətirirəm, \nrazılığından üz döndərənə və’d etdiyin oddan Sənə pənah gətirirəm, nuru qarnlıq, mülayimi ağır, uzağı yaxın olan oddan Sənə pənah aparıram bə’zisi bə’zisini yeyən oddan, bir hissə o biri hissəsinə hücum edən, sümüyü çürüdən, sakinlərini qaynar su ilə sirab edən, zar edənlərə rəhm etməyən, ondan mehribanlıq istəyənlərə mehri-banlıq göstərməyən oddan Sənə pənah aparıram, o od qarşısında təslim olanın əzabını əskiltməyə qüdrəti çatmayan oddan, öz sakinləri ilə ən şid-dətli, ən ağır cəza ilə rəftar edən oddan. Və ağzını açan əqrəblərindən, çalan ilanlarından, sakinlərinin qarın-bağısaqlarını parçalayan içkisi olan, ürəkləri qoparan sudan Sənə pənah aparıram. Səndən məni o oddan qoruyub ondan geri atan yollara hidayət etməyini diləyirəm. \nİlahi, Muhəmməd və onun soyuna salam yetir, və Öz lütf və ehsanınla mənə o oddan pənah ver, gözəl tərzdə göz örtməyinlə xətalarımdan keç, və ey pənah verənlərin ən yaxşısı, məni rüsvay etmə. İlahi, Sən bəndələrini xoşagəlməz şeylərdən qoruyursan, yaxşılığı əta edirsən, \nistədiyin hər şeyi yerinə yetirirsən, Sən hər eyə qadirsən. \nİlahi, Muhəmməd və onun soyuna gecə-gündüz get-gəldə olanadək, sonu olmayan hesaba gəlməyən, fəzanı pərakəndə edən, yeri və göyü doduran bir salam yetir, Alalhı razı qalanadək ona salam yetirsin, o razılıqdan sonra Allaha ona və onun soyuna salam yetirsin, son həddi olmayan bir salam, ey rəhm edənlərin rəhm edəni.