Abuşov Habil Qulam

Abuşov Habil Qulam  oğlu 2004-cü  il iyun ayının 28 -də Neftçala rayonu Qazaqbərə kəndində anadan olmuşdur. Habil Abuşov orta təhsilini Neftçala rayonu Qaçaqkənd tam orta məktəbində almışdır. 

Azərbaycan Silahlı Qüvvələrinin hərbi qulluqçusu olan Abuşov Habil Qulam oğlu Azərbaycan Respublikasının Silahlı Qüvvələri tərəfindən 20 sentyabr 2023-cü il tarixində həyata keçirilmiş uğurlu lokal antiterror tədbirləri zamanı Xocavənd  istiqamətində gedən döyüşlərdə şəhid olmuşdur.

Abuşov Habil Qulam oğlu Neftçala rayonu Qazaxbərəsi kənd qəbiristanlığında dəfn edilmişdir. 

Azərbaycan Respublikasının ərazi bütövlüyünün təmin olunmasında yüksək peşəkarlıq, şücaət və mərdlik göstərmiş, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqlənmiş Azərbaycan Respublikası Silahlı Qüvvələrinin hərbi qulluqçusu Abuşov Habil Qulam oğlu Azərbaycan Respublikasının prezidenti İlham Əliyevin sərəncamına əsasən “Vətən uğrunda” medalı və  3-cü dərəcəli “Vətənə xidmətə görə” ordeni ilə təltif edilmişdir.