Ağayev Surət Bayram

Cəbrayıl rayonu istiqamətində gedən döyüşlərdə düşmən briqadasının məhv olunmasında iştirak etdik. Həmin briqadada 1 sutka qalaraq özümüzdən sonra gələn şəxsiyyətə təhvil verdik. Sonra növbəti döyüş tapşırığı gəldi. Bu dəfə 3 yüksəkliyin götürülməsi əsas hədəfimiz oldu. Həmin gecə iki yüksəkliyi götürdük. Üçüncü yüksəklikdə isə düşmənin pusqusuna düşdük və arxaya çəkilərək gecənin düşməsini gözlədik. Gecə olandan sonra fəaliyyətə başladıq. Qrupun pekaşniki olaraq posta ilk olaraq mən girdim. Bu zaman maskalanmış düşmən açdığı snayper atəşi ilə məni qolumdan yaraladı. Sürünərək özümə mövqe tutdum. Digər döyüş yoldaşlarımın köməyi ilə postu ələ keçirdik. Mən də öz növbəmdə yaralı halda döyüş yoldaşımın köməkliyi ilə tibbi yardım almaq üçün geri qayıtdıq. Bu zaman yolda olarkən düşmənin atdığı minamiot qəlpəsi ilə digər qolumdan da yaralandım. Çoxlu qan itirməyimə rəğmən gələn kömək ilə tibbi yardım alaraq hospitala çatdırıldım. Hospitalda olarkən digər qardaşımın da orada yaralı yatdığını gördüm. Torpaqlarımızın işğaldan azad olunması xəbəri şəhidlərimizin qanının yerində qalmaması məni çox sevindirdi.