Ağayev Zülfü Ağalı

Zülfü Ağayev 1977-ci il fevralın 1-də Astara rayonunun Vaqo kəndində anadan olub.

Azərbaycan Ordusunun baş giziri olan Zülfü Ağayev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Füzulinin azadlığı uğrunda gedən döyüşlərdə savaşıb. Zülfü Ağayev sentyabrın 27-də Füzuli döyüşləri zamanı şəhid olub. Astara rayonunun Vaqo kəndində dəfn olunub.

Azərbaycan Prezidentinin Sərəncamlarına əsasən Ağayev Zülfü ölümündən sonra “Cəsur döyüşçü”, “Füzulinin azad olunmasına görə” və “Vətən uğrunda” medalları ilə təltif edilib. 

Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirərək şəhid olmuş hərbi qulluqçu, Ağayev Zülfü Azərbaycan Respublikasının Prezidenti İlham Əliyevin Sərəncamına əsasən 3 – cü dərəcəli “Vətənə xidmətə görə”  ordeni ilə təltif edilib