Bayramov Davud Şamil

Bayramov Davud Şamil  oğlu 2000-ci  il yanvar ayının 1 -də Salyan rayonu, Xələc kəndində anadan olmuşdur. Davud Bayramov orta təhsilini  Salyan rayonu, Təhməz Şirnov adına Xələc kənd orta məktəbində  almış, orta məktəbi bitirdikdən sonra isə Azərbaycan Texniki Universitetinə qəbul olmuşdur. 

Davud Bayramov  Azərbaycan Respublikasının Silahlı Qüvvələri tərəfindən 20 sentyabr 2023-cü il tarixində həyata keçirilmiş uğurlu lokal antiterror tədbirləri zamanı Xocavənd rayonu Harov kəndi   istiqamətində gedən döyüşlərdə şəhid olmuşdur.

Azərbaycan Respublikasının ərazi bütövlüyünün təmin olunmasında yüksək peşəkarlıq, şücaət və mərdlik göstərmiş, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqlənmiş Azərbaycan Respublikası Silahlı Qüvvələrinin hərbi qulluqçusu Davud Bayramov Azərbaycan Respublikasının prezidenti İlham Əliyevin sərəncamına əsasən "Vətən uğrunda” medalı və  3-cü dərəcəli “Rəşadət” ordeni ilə təltif edilmişdir.