Cəfərov Mahir Asif

Cəfərov Mahir Asif  oğlu 1986-cı il sentyabr ayının 13-də Ağcabədi rayonu Sarvanlar kəndində anadan olmuşdur. Mahir Cəfərov orta təhsilini  Sarvanlar kənd tam orta məktəbində  almışdır.  

Azərbaycan Silahlı Qüvvələrinin hərbi qulluqçusu Mahir Cəfərov 44 günlük Vətən Müharibəsində iştirak etmiş və “Vətən Müharibəsi iştirakçısı” medalı ilə təltif edilmişdir.

Mahir Cəfərov  Azərbaycan Respublikasının Silahlı Qüvvələri tərəfindən 20 sentyabr 2023-cü il tarixində həyata keçirilmiş uğurlu lokal antiterror tədbirləri zamanı Xankəndi  istiqamətində gedən döyüşlərdə şəhid olmuşdur.

Azərbaycan Respublikasının ərazi bütövlüyünün təmin olunmasında yüksək peşəkarlıq, şücaət və mərdlik göstərmiş, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqlənmiş Azərbaycan Respublikası Silahlı Qüvvələrinin hərbi qulluqçusu Mahir Cəfərov Azərbaycan Respublikasının Prezidenti İlham Əliyevin sərəncamına əsasən "Vətən uğrunda” medalı və  3-cü dərəcəli “Vətənə xidmətə görə” ordeni ilə təltif edilmişdir.