Ələkbərli Kənan Müşfiq

Çavuş Kənan Ələkbərli 1996-cı ildə rayonun Qızılhacılı qəsəbəsində anadan olub. 2020-ci ilin sentyabrın 20-dən MAHHXHQ kimi işləməyə başlayıb. Vətən müharibəsi başlayan gündən döyüşlərə könüllü yolanıb və Suqovuşan - Ağdərə istiqamətindəki döyüşlərdə fəal iştirak edib. 9 oktyabr 2020-ci ildə həmin istiqamətdə gedən döyüşlərdə şəhid olub. Oktyabrın 11-də Qızılhacılı qəbiristanlığında dəfn olunub.

Atası Müşfiq Birinci Vətən Müharibəsinin qazilərindəndir. Kənanın əmisi Cabbar Ziyyəddin oğlu Ələbərov isə Birinci Vətən Müharibəsinin qəhrəmanlarından, şəhidlərindəndir. 26 yaşlı Kənan yeni nişanlanmışdı.

Kənan Ələkbərli Azərbaycan Respublikasının Prezidenti İlham Əliyevin sərəncamına əsasən,ölümündən sonra "Laçının azad olunmasına görə" , "Suqovuşanın azad olunmasına görə" , “Vətən uğrunda” medalları ilə təltif edilib.

Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirərək şəhid olmuş hərbi qulluqçu, Kənan Ələkbərli Azərbaycan Respublikasının Prezidenti İlham Əliyevin Sərəncamına əsasən 3–cü dərəcəli “Vətənə xidmətə görə”  ordeni ilə təltif edilib.