Ələsgərov Ülvi Ceyhun

Ələsgərov Ülvi Ceyhun oğlu 23 iyul 1990-cı ildə Gəncə şəhərində doğulmuşdur.  1997-ci ildə Gəncə şəhər 32 nömrəli tam orta məktəbin birinci sinfinə daxil olmuş, 2008-ci ildə həmin məktəbi bitirmişdir. 2010-2015-ci illərdə Gəncə Qənnadı fabrikində, 2015-2019-cu illərdə isə Gəncə şəhər Şəhidlər xiyabanının mühafizə xidmətində çalışmışdır. Subay idi.

Ələsgərov Ülvi 2020-ci il 11 oktyabr tarixində Ermənistan silahlı qüvvəlləri tərəfindən Gəncənin raket atəşinə tutulması nəticəsində atası Ələsgərov Ceyhun və anası Ələsgərova Təranə ilə birlikdə həlak olmuşdur. Gəncə sakini Ələsgərov Ülvi 2020-ci il 11 oktyabr tarixində Ermənistan silahlı qüvvəlləri tərəfindən Gəncənin raket atəşi tutulması nəticəsində həlak olmuşdur.

Azərbaycan Respublikası Nazirlər Kabinetinin 1994-cü il 15 yanvar tarixli 10 nömrəli Qərarı ilə təsdiq edilmiş “Şəhid adının əbədiləşdirilməsi və şəhid ailələrinə edilən güzəştlərin tətbiqi qaydaları”nda dəyişiklik edilməsi barədə Azərbaycan Respublikasının Nazirlər Kabinetinin 20 noyabr 2020-ci il tarixli Qərarına əsasən Ələsgərov Ülvi Ceyhun oğluna şəhid statusu verilmişdir.