Əliyev Səmid Xoşbəxt

 Əliyev Səmid Xoşbəxt oğlu iyunun 5-i 1998-ci ildə doğulmuşdur. Sumqayıt şəhərinin Corat qəsəbəsindəndir. 3 bacının 1 qardaşı idi. 4 ildir sevdiyi qızla nişanlı idi.

Səmid Əliyev Vətən Müharibəsi başlayan ilk gündən şəhidimiz könüllü olaraq ordu sıralarına yazılmışdır. Sentyabrın 29-u Füzuli uğrunda gedən döyüşlərində yaralanmış, oktyabrın 1-i şəhidlik zirvəsinə ucalmışdır.

Azərbaycan Respublikasının Prezidenti İlham Əliyevin müvafiq sərəncamlarına  əsasən Səmid Əliyev ölümündən sonra “Vətən uğrunda” və “Füzulinin azad olunmasına görə” medalı ilə təltif edilib.

Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirərək şəhid olmuş hərbi qulluqçu, Səmid Əliyev Azərbaycan Respublikasının Prezidenti İlham Əliyevin Sərəncamına əsasən 3–cü dərəcəli “Vətənə xidmətə görə”  ordeni ilə təltif edilib.