Əliyev Sərxan Rabil

Əliyev Sərxan Rabil  oğlu 1991-ci  il iyun ayının 11 -də Neftçala şəhərində anadan olmuşdur. Sərxan Əliyev orta təhsilini Neftçala şəhəri N. Gəncəvi adına 3 saylı tam orta məktəbində almışdır. 

Daxili Qoşunların hərbi qulluqçusu olan Əliyev Sərxan Rabil oğlu Azərbaycan Respublikasının Silahlı Qüvvələri tərəfindən 20 sentyabr 2023-cü il tarixində həyata keçirilmiş uğurlu lokal antiterror tədbirləri zamanı Ağdam rayonu Abdal kəndi  istiqamətində gedən döyüşlərdə şəhid olmuşdur.

Əliyev Sərxan Rabil oğlu Neftçala şəhəri Şəhidlər Xiyabanında dəfn edilmişdir. 

Azərbaycan Respublikasının ərazi bütövlüyünün təmin olunmasında yüksək peşəkarlıq, şücaət və mərdlik göstərmiş, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqlənmiş Azərbaycan Respublikası Daxili Qoşunlarının hərbi qulluqçusu Əliyev Sərxan Rabil oğlu Azərbaycan Respublikasının prezidenti İlham Əliyevin sərəncamına əsasən “Vətən uğrunda” medalı və  3-cü dərəcəli “Vətənə xidmətə görə” ordeni ilə təltif edilmişdir.