Əliyev Zaur Eldar

Əliyev Zaur Eldar oğlu 24 iyul 1989 cu ildə Şəki şəhərində anadan olub. 9 nömrəli məktəbin məzunu olub.

Azərbaycan Ordusunun əsgəri olan Zaur Əliyev 2020-ci il sentyabrın 27-dən Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsində iştirak etmişdir. Oktyabr ayının 14-də Ağdərə rayonu istiqamətində gedən şiddətli döyüşlərdə qəhrəmancasına şəhid olub. Zaur Əliyev ailədə üç uşaq olublar. Ortancil olan Zaur hərbi xidməti bitirdikdən sonra Azərbaycan Respublikası Silahlı qüvvələri sıralarında xidmət edib.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin  müvafiq Sərəncamlarına əsasən Zaur Əliyev  ”İgidliyə görə”, “Suqovuşanın azad olunmasına görə” və "Vətən uğrunda" medallarıyla təltif edilib.

Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirərək şəhid olmuş hərbi qulluqçu, Zaur Əliyev Azərbaycan Respublikasının Prezidenti İlham Əliyevin Sərəncamına əsasən 3–cü dərəcəli “Vətənə xidmətə görə”  ordeni ilə təltif edilib.