Əsgərov Suliddin İsmayıl

Əsgərov Suliddin İsmayıl oğlu 1948-ci ildə dekabrın 25-də Gəncə şəhərində doğulmuşdur.  1955-ci ildə Gəncə şəhər 15 nömrəli orta məktəbin birinci sinfinə daxil olmuş, 1963-cü ildə həmin məktəbi bitirmişdir. Uzun illər montyor-elektrik vəzifəsində çalışmışdır. 1985-ci ildən 2000-ci ilə qədər  Gəncə şəhər 10 nömrəli körpələr evi-uşaq bağçasında gözətçi vəzifəsində çalışmışdır. Ailəli idi. Dörd övlad atası idi.

Əsgərov Suliddin   2020-ci il oktyabrın 17-də Ermənistan silahlı qüvvəllərinin  Gəncəni raket atəşinə tutması nəticəsində oğlu  Əsgərov Bəxtiyar, qızı Əsgərova Sevil, nəvələri Əsgərova Narin və Əsgərova Nigar ilə birlikdə həlak olmuşdur.

Gəncə sakini Əsgərov Suliddin   2020-ci il oktyabrın 17-də Ermənistan silahlı qüvvəllərinin  Gəncəni raket atəşinə tutması nəticəsində həlak olmuşdur.

Azərbaycan Respublikası Nazirlər Kabinetinin 1994-cü il 15 yanvar tarixli 10 nömrəli Qərarı ilə təsdiq edilmiş “Şəhid adının əbədiləşdirilməsi və şəhid ailələrinə edilən güzəştlərin tətbiqi qaydaları”nda dəyişiklik edilməsi barədə Azərbaycan Respublikasının Nazirlər Kabinetinin 20 noyabr 2020-ci il tarixli Qərarına əsasən Əsgərov Suliddin İsmayıl  oğluna şəhid statusu verilmişdir.