Eyvazov Vüqar Eyvaz

Eyvazov Vüqar Eyvaz oğlu 24 yanvar 1989-cu ildə Kəngərli rayonunun Şahtaxtı kəndində anadan olub. Binəqədi rayonu 205 saylı orta məktəbdə orta təhsil alıb. Azərbaycan Aqrar Universitetində ali təhsilə yiyələnib. Orta məktəbi bitirdikdən sonra Azərbaycan Aqrar Universitetində ali təhsilə yiyələnib, daha sonra Azərbaycan Silahlı Qüvvələrinin sıralarında hərbi xidmət edib. Hərbi xidməti dövründə Təlim-Tədris Mərkəzində zabit  hazırlığı kurslarında iştirak edib. Daha sonra Azərbaycan Silahlı Qüvvələrində leytenant hərbi rütbəsində xidmətə başlayıb.

27 sentyabr 2020-ci ildə başlanan və 44 gün davam edən Vətən Müharibəsində iştirak edib.  “Vətən müharibəsi iştirakçısı” və“Cəsur döyüşçü” medalları ilə təltif edilib.

Azərbaycan Silahlı Qüvvələrinin kapitanı olan Eyvazov Vüqar Eyvaz oğlu   Azərbaycan Respublikasının Silahlı Qüvvələri tərəfindən 19 sentyabr 2023-cü il tarixində həyata keçirilmiş uğurlu lokal antiterror tədbirləri zamanı şəhid olub.

O, II Şəhidlər Xiyabanında dəfn edilib.