Həsənov Həsən Zabit

Həsənov Həsən Zabit  oğlu 1995-ci  il mart ayının 8 -də Samux rayonu Bağbanlar kəndində anadan olmuşdur. Həsən Həsənov orta təhsilini Samux rayon Bağbanlar kənd tam orta məktəbində almışdır. 

Azərbaycan Silahlı Qüvvələrinin hərbi qulluqçusu olan Həsənov Həsən Zabit oğlu Azərbaycan Respublikasının Silahlı Qüvvələri tərəfindən 20 sentyabr 2023-cü il tarixində həyata keçirilmiş uğurlu lokal antiterror tədbirləri zamanı Ağdərə rayonu Çərəkdar kəndi  istiqamətində gedən döyüşlərdə şəhid olmuşdur.

Həsənov Həsən Zabit oğlu Gəncə şəhər İmamzadə kompleksində dəfn edilmişdir. 

Azərbaycan Respublikasının ərazi bütövlüyünün təmin olunmasında yüksək peşəkarlıq, şücaət və mərdlik göstərmiş, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqlənmiş Azərbaycan Respublikası Silahlı Qüvvələrinin hərbi qulluqçusu Həsənov Həsən Zabit oğlu Azərbaycan Respublikasının prezidenti İlham Əliyevin sərəncamına əsasən “Vətən uğrunda” medalı və  3-cü dərəcəli “Vətənə xidmətə görə” ordeni ilə təltif edilmişdir.