Hümmətov Zöhrab Məmməd

Zöhrab Hümmətov 1984-cü il fevral ayının 1-də Tovuz rayonunun Böyük Qışlaq kəndində anadan olub. O, Tovuz rayon Böyük Qışlaq kənd Gəray Nəsibov adına orta məktəbdən məzun olub.

Zöhrab Hümmətov müddətli həqiqi hərbi xidmətdən sonra gizirlik kursuna daxil olub və gizir kimi Müdafiə Nazirliyinin N saylı hərbi hissəsində xidmətə başlayıb.

O xidmət dövründə “Qüsursuz xidmətə görə” 2-ci və 3-cü dərəcəli, “Şücaətə görə” medalları,  həmçinin  Azərbaycan ordusunun 90,95 100 illiyi yubiley medalları ilə təltif edilib.

Gizir Zöhrab Hümmətov 2022-ci il dekabrın 14-də Kəlbəcər rayonunda mina partlaması nəticəsində şəhid olub.

O təntənəli mərasimlə Aşağı Quşçu kənd qəbiristanlığında torpağa tapşırılıb.

Ailəli idi, 3 övladı yadigar qalıb. 

Azərbaycan Respublikasının ərazi bütövlüyününbərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirərək şəhid olmuş hərbi qulluqçu Zöhrab Hümmətov Azərbaycan Respublikasının Prezidenti İlham Əliyevin Sərəncamına əsasən 3–cü dərəcəli “Vətənə xidmətə görə”  ordeni ilə təltif edilib.