İbrahimov Elmar Nəriman

Elmar Nəriman oğlu İbrahimov 2 sentyabr 1998-ci ildə Mingəçevir şəhərində dünyaya gəlib. Orta təhsilimi Mingəçevir şəhər 2 N-li məktəbdə alıb. Məzun olduqdan sonra Peşə məktəbinə qəbul olub, qaz qaynaqçısı peşəsinə yiyələnib. 2016-cı ildə hərbi xidmətə yollanıb, topçu olaraq xidmət edib.

2020-ci ilin sentyabrında Elmar Vətəni qorumağa çağırılıb. Vətən müharibəsinin gedişində Elmar Nəriman oğlu İbrahimov 30 sentyabrda Goranboy rayonu Tapqaraqoyunlu kəndi istiqamətində şəhid olub.

Şəhidliyindən sonra Elmar İbrahimov "Suqovuşanın azad olunmasına görə", ”Cəsur döyüşçü” və “Vətən uğrunda ”medallarıyla təltif edilib.

Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirərək şəhid olmuş hərbi qulluqçu Elmar İbrahimov  Azərbaycan Respublikasının Prezidenti İlham Əliyevin Sərəncamına əsasən 3-cü dərəcəli “Vətənə xidmətə görə” ordeni ilə təltif edilib.