İbrəhimov Ülvi Xanəhməd

Şəhidimizin atası evdə olduğu müddətdə oğlunun təsərrüfat işləri ilə məşqul olduğunu, zəhmətkeş, ailə üzvləri, qohumları ilə mehriban, xoş rəftarı olduğunu dedi. Dostları da onun zamanla hərbiyə olan həvəsinin hiss olunduğunu bildirirdi. Əsgərliyə getdikdən sonra hərbiyə olan həvəsi özünü daha da büruzə vermişdir. Əsgərliyi bitirdikdən sonra MAXE kimi qalmağı qərara almışdır. Vətən müharibəsində də döyüş yoldaşları da hərbi biliklərə sahib olması və xüsusi fədəkarlığı ilə seçildiyini bildirirdi. Döyüş yoldaşlarından birini yaralı halda, özü də minamiot qəlpəsi ilə yaralanmasına rəğmən təxminən 6 km apararaq tibbi yardım göstərilməsinə nail olmuşdur. Həyatını xilas olunmasına köməklik göstərdiyi döyüş yoldaşı hal-hazırda da MAXE olaraq öz fəaliyyətini davam etdirir. Ülvi İbrəhimovun 3 dəfə döyüşdə minamiot qəlpəsindən müxtəlif vaxtlarda yaralanmasına rəğmən döyüşlərdə iştirak etdiyini, döyüş əməliyyatları bitdikdən sonra isə hərbi hospitalda 3 ay müalicə olunmaq üçün yatmışdır. Sonra isə MAXE kimi öz fəaliyyətinə davam etmişdir. 28 avqust 2021-ci il tarixində Şuşa şəhəri yaxınlığında axşam saatlarında kamaz markalı maşınla minaya düşmüşdür. Hərbi hospitalda 20 gün komada qaldıqdan sonra 16 sentyabr 2021-ci il tarixində şəhidlik zirvəsinə ucalmışdır.