İskəndərov Fərid Dilafət

Sentyabrın 27-də başlayan və 44 gün davam edən Vətən müharibəsində ermənilər cəbhədə məğlubiyyətə uğradıqları üçün təxribatlara əl atdılar.

Onlar cəbhədən kənarda yerləşən, mülki əhalinin yaşadığı Azərbaycan şəhərlərinə raketlərlə atəş açmağa başladılar.

Baş Prokurorluğun 16 noyabrda açıqladığı rəqəmlərə görə , Ermənistan silahlı qüvvələri tərəfindən Azərbaycanın şəhərlərinə raket atəşi nəticəsində 93 dinc sakin həlak olub, 454 nəfər isə yaralanıb. Ermənilərin Azərbaycanın şəhərlərini atəşə tutması nəticəsində həlak olanlar arasında azyaşlı uşaqlar da var.

Baş Prokurorluğun verdiyi məlumata görə, 04.10.2020-ci il tarixdə saat 15 radələrində işğalçı ölkənin silahlı qüvvələrinin Ağcabədi rayonunu növbəti dəfə ağır artilleriyadan atəşə tutması nəticəsində mərmilərdən biri Taynaq kəndindəki yeməkxanaya düşüb. Həmin vaxt yeməkxanada olan kənd sakini 14 yaşlı İsgəndərov Fərid Dilafət oğlu dağıntılar altında qalaraq həlak olub, çoxsaylı mülki infrastruktur obyektlərinə külli miqdarda ziyan dəyib.

Fərid Ağcabədi rayonunun R.Quliyev adına Taynaq kənd tam orta məktəbinin 9-cu sinif şagirdi idi.