Lətifov Elməddin Qabil

Lətifov Elməddin Qabil oğlu 1987-ci il oktyabr ayının 31-də Bərdə rayonu Xanağalı kəndində anadan olmuşdur. Elməddin Lətifov orta təhsilini Xanağalı kənd orta məktəbində  almışdır.  

Azərbaycan Silahlı Qüvvələrinin hərbi qulluqçusu Elməddin Lətifov 44 günlük Vətən Müharibəsində iştirak etmiş və “Ağdamın azad olunmasına görə”, “Cəsur döyüşçü” medalları ilə təltif edilmişdir.

Elməddin Lətifov  Azərbaycan Respublikasının Silahlı Qüvvələri tərəfindən 19 sentyabr 2023-cü il tarixində həyata keçirilmiş uğurlu lokal antiterror tədbirləri zamanı Ağdərə istiqamətində gedən döyüşlərdə yaralanmış, 2023-cü il sentyabr ayının 25-də Bakı şəhərində yerləşən Respublika Yanıq Mərkəzində dünyasını dəyişmişdir. 

Azərbaycan Respublikasının ərazi bütövlüyünün təmin olunmasında yüksək peşəkarlıq, şücaət və mərdlik göstərmiş, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqlənmiş Azərbaycan Respublikası Silahlı Qüvvələrinin hərbi qulluqçusu Elməddin Lətifov Azərbaycan Respublikasının Prezidenti İlham Əliyevin sərəncamına əsasən "Vətən uğrunda” medalı və  3-cü dərəcəli “Vətənə xidmətə görə” ordeni ilə təltif edilmişdir.