Misirli Fərid Eldəniz

Fərid Misirli Eldəniz oğlu 01 yanvar 2001-ci ildə Füzuli rayonu Yuxarı Kürdmahmudlu kəndində anadan olub.

11 yanvar 2019-cu ildə həqiqi hərbi xidmətə yollanır. 2020-ci ilin İyul ayında həqiqi hərbi xidmətini bitirib. 1 sentyabr 2020-ci ildə könüllü olaraq müddətdən artıq hərbi xidmətə yollanır. 2-ci Vətən müharibəsi başlayan tarixdən qəhrəmanlıqla döyüş əməliyyatlarında iştirak edir. 8 oktyabr 2020-ci il tarixində Cəbrayıl rayonu Nüzgar kəndində  şəhidlik zirvəsinə ucalıb.

Azərbaycan torpaqlarının azad edilməsində göstərdiyi qəhrəmanlıqlara görə “Cəbrayılın azad olunmasına görə”, “Füzulinin azad olunmasına görə”, "Vətən uğrunda" və "Cəsur döyüşçü" medalları ilə təltif edilib.

Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirərək şəhid olmuş hərbi qulluqçu, Misirli Fərid Azərbaycan Respublikasının Prezidenti İlham Əliyevin Sərəncamına əsasən 3–cü dərəcəli “Vətənə xidmətə görə”  ordeni ilə təltif edilib.