Mürsəlov Fərhad Əlizadə

22.09.2020- ci ildə tarixində Saatlı rayon Hərbi Komissarlığı tərəfindən səfərbərliklə əlaqədar çağırıldım və Beyləqan rayonunda yerləşən “N” saylı hərbi hissəyə göndərildim. Bir neçə gün təlim keçdikdən sonra mənfur erməni təxribatı nəticəsində 27.09.2020 ci il tarixdən etibarən artilleriya zabiti kimi ( 6 nəfərdən ibarət manqa rəhbəri) döyüşlərə qatıldıq. Bir nəçə gün gedən aramsız döyüşlərdən sonra yəni, 04.10.2020- ci il tarixdə səhər 5-6 aralığında Cəbrayıl rayonu istiqamətində dislokasiya zamanı piyada əleyhinə minaya düşdüm. Füzuli rayonunda yerləşən Mərkəzi xəstəxanaya aparıldım. Orada əməliyyat olundum və sol ayağım dizdən bir qarış aşağı amputasiya olundu. Həm sol ayağımın, həm də partlayış zamanı ciddi zədə almış sağ ayağımın müalicəsi ilə bağlı Respublikamızın Şirvan və Bakı şəhərində yerləşən müxtəlif klinikalarında müalicə aldım. Bu ilin əvvəllərində protezlə təmin olundum, Vətən müharibəsi qazisi kimi 3-cü dərəcəli əlillik təyin olundu.