Nağıyev Əli Elşən

Nağıyev Əli  Elşən oğlu 2005-ci il  dekabr ayının 13-də Gəncə şəhərində anadan olub. O, Gəncə şəhər 22 saylı tam orta məktəbdən məzun olduqdan sonra həqiqi hərbi xidmətə yollanıb. 2024-cü il iyun ayının 9-da Hərbi xidmətdə olduğu dövrdə xidməti vəzifəsini yerinə yetirərkən ildırım vurması nəticəsində həlak olub. Dövlət Sərhəd Xidmətinin (DSX) hərbi qulluqçusu, əsgər Nağıyev Əli  Elşən oğlu Gəncə Şəhər Şəhidlrə xiyabında dəfn edilib.

Azərbaycan Respublikası dövlət sərhədinin mühafizəsinin təmin edilməsində, ərazi bütövlüyünün qorunub saxlanılmasında və sərhəd mühafizə orqanları qarşısında qoyulmuş tapşırıqların yerinə yetirilməsində fərqləndiklərinə görə Azərbaycan Respublikası Dövlət Sərhəd Xidmətinin hərbi qulluqçusu Nağıyev Əli  Elşən oğlu “Vətən uğrunda” medalı ilə təltif edilib. 

Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında və dövlət sərhədinin mühafizəsi üzrə xidməti vəzifələrinin icrası zamanı igidlik və mərdlik göstərmiş, hərbi hissə qarşısında qoyulmuş tapşırıqları icra edərkən vəzifə borcunu şərəflə yerinə yetirərək şəhid olmuş Azərbaycan Respublikası Dövlət Sərhəd Xidmətinin  hərbi qulluqçusu Nağıyev Əli   Elşən oğlu oğlu ölümündən sonra 3-cü dərəcəli “Vətənə xidmətə görə” ordeni ilə təltif edilib.