Nəbiyev Hüseynalı Hikmət

Nəbiyev Hüseynalı Hikmət oğlu 17 yanvar 1999-cu ildə Cəlilabad rayonunun Bəcrəvan kəndində anadan olub.Cəlilabad rayonu, Bəcravan kənd tam orta məktəbini bitirib.

Vətən Müharibəsində iştirak edən Hüseynalı Nəbiyev bir sıra rayonlarımızın azad edilməsində böyük rəşadət göstərib. Vətən Müharibəsində iştirakına görə Ali Baş Komandan cənab İlham Əliyevin müvafiq sərəncamları ilə “Qubadlının azad olunmasına görə”, “Cəbrayılın azad olunmasına görə” və “Füzulinin azad olunmasına görə”, III dərəcəli "Hərbi xidmətdə fərqlənməyə görə” medalları ilə təltif edilib.

Azərbaycan Ordusunun əsgəri olan Hüseynalı Nəbiyev 2022-ci il sentyabrın 12-də Ermənistan Silahlı Qüvvələri tərəfindən törədilən genişmiqyaslı təxribatın qarşısının alınması zamanı döyüşlərdə iştirak edib, 14 sentyabr 2022-ci ildə Kəlbəcər rayonunda şəhid olub.

Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirərək şəhid olmuş Hüseynalı Nəbiyev  Azərbaycan Prezidenti İlham Əliyevin 05.11.2022-ci il tarixli Sərəncamına əsasən ölümündən sonra III dərəcəli "Rəşadət" ordeni ilə təltif edilmişdir.

Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirərək şəhid olmuş Hüseynalı Nəbiyev “Vətən uğrunda” medalı ilə tətif edilib.