Nəcəfi Elxan Şükür

Nəcəfi Elxan Şükür  oğlu 1986-ci  il aprel ayının 14 -də Ağdam rayonu Yusifcanlı kəndində anadan olmuşdur. Elxan Nəcəfli orta təhsilini Bakı  şəhəri 196 saylı tam orta məktəbində almışdır. Orta təhsilini bitirdikdən sonra Heydər Əliyev adına Ali Hərbi Məktəbə qəbul olmuş və leytenant rütbəsi alaraq məzun olmuşdur. 

Elxan Nəcəfinin atası Şükür Nəcəfi Birinci Qarabağ müharibəsi zamanı 1993-cü ildə Ağdam döyüşləri zamanı şəhid olmuşdur.

Elxan Nəcəfi Vətən müharibəsi iştirakçısı olub, Füzuli, Cəbrayıl, Qubadlı və Laçın uğrunda gedən döyüşlərdə qəhrəmancasına iştirak etmişdir.

Azərbaycan Silahlı Qüvvələrinin hərbi qulluqçusu olan Nəcəfi Elxan Şükür oğlu Azərbaycan Respublikasının Silahlı Qüvvələri tərəfindən 20 sentyabr 2023-cü il tarixində həyata keçirilmiş uğurlu lokal antiterror tədbirləri zamanı Xocavənd  istiqamətində gedən döyüşlərdə şəhid olmuşdur.

Nəcəfi Elxan Şükür oğlu İkinci Fəxri Xiyabanda dəfn edilmişdir. 

Azərbaycan Respublikasının ərazi bütövlüyünün təmin olunmasında yüksək peşəkarlıq, şücaət və mərdlik göstərmiş, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqlənmiş Azərbaycan Respublikası Silahlı Qüvvələrinin hərbi qulluqçusu Nəcəfi Elxan Şükür oğlu Azərbaycan Respublikasının prezidenti İlham Əliyevin sərəncamına əsasən “Cəbrayılın azad olunmasına görə”, “Qubadlının azad olunmasına görə”, “Vətən uğrunda” medalları və  3-cü dərəcəli “Rəşadət” ordeni ilə təltif edilmişdir.