Qəhrəmanov Sadiq Sakit

Qəhrəmanov Sadiq Sakit  oğlu 1996-cı  il fevral ayının 28-də Salyan rayonu, Kərimbəyli kəndində anadan olmuşdur. Sadiq Qəhrəmanov orta təhsilini  Kərimbəyli kənd orta məktəbində  almışdır.  

Sadiq Qəhrəmanov  Azərbaycan Respublikasının Silahlı Qüvvələri tərəfindən 19 sentyabr 2023-cü il tarixində həyata keçirilmiş uğurlu lokal antiterror tədbirləri zamanı Ağdərə rayonu  istiqamətində gedən döyüşlərdə şəhid olmuşdur.

Azərbaycan Respublikasının ərazi bütövlüyünün təmin olunmasında yüksək peşəkarlıq, şücaət və mərdlik göstərmiş, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqlənmiş Azərbaycan Respublikası Silahlı Qüvvələrinin hərbi qulluqçusu Sadiq Qəhrəmanov Azərbaycan Respublikasının prezidenti İlham Əliyevin sərəncamına əsasən "Vətən uğrunda” medalı və  3-cü dərəcəli “Vətənə xidmətə görə” ordeni ilə təltif edilmişdir.