Qənbərli Rəşad Əlizamin

Qənbərli Rəşad Əlizamin oğlu 25 iyun 1996-cı ildə Cəlilabad rayonu, Közbulaq kəndində anadan olmuşdur. Orta təhsilini şəhid Eldəniz Yusubov adına Uzuntəpə kənd orta məktəbində almışdır.

Azərbaycan Silahlı Qüvvələrinin hərbi qulluqçusu olan Qənbərli Rəşad Əlizamin oğlu Ermənistan silahlı qüvvələri tərəfindən dövlət sərhədində törədilən genişmiqyaslı təxribatın qarşısını alarkən 14 sentyabr 2022-ci il tarixində şəhid olmuşdur.

Azərbaycan Respublikasının ərazi bütövlüyünün təmin olunmasında yüksək peşəkarlıq, şücaət və mərdlik göstərmiş, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqlənmiş Azərbaycan Respublikası Silahlı Qüvvələrinin hərbi qulluqçusu Qənbərli Rəşad Əlizamin oğlu Azərbaycan Respublikasının prezidenti İlham Əliyevin sərəncamına əsasən “Vətən uğrunda” medalı və   3-cü dərəcəli “Vətənə xidmətə görə”  ordeni ilə təltif edilmişdir.