Quluyev Nofəl İlham

Quluyev Nofəl İlham oğlu, 1994-cü il iyunun 11-də Gədəbəy rayonu Qoşabulaq kəndində anadan olub. O, 2000-ci ildə Qoşabulaq kənd məktəbində tam orta təhsilinə başlayıb, 2011-ci ildə də həmin məktəbin məzunu olub. Elə həmin ildə də Azərbaycan Dövlət İqtisad Universitetinin Əmtəəşünaslıq fakültəsi, Marketinq mallarının ekspertizası ixtisasına qəbul olub. 2015-ci ildə məzun olduqdan sonra,  20 Oktyabr da həqiqi hərbi xidmətə yollanır. Hərbi xidmətini Qusar rayonunda yerləşən N saylı hərbi hissədə keçir.  Həqiqi hərbi xidmətdən qayıtdıqdan sonra isə öz ixtisası üzrə bir neçə müəssisədə işləyib.

2020 ci il İyul hadisələrindən sonra özü könüllü olaraq səfərbərliyə yazılır və sentyabrın 29-u də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsinə qatılır. Nofəl baş qumbaraatan idi. Döyüşlər zamanı böyük şücaət göstərib düşmənin bir neçə zirehli texnikasını məhv etmişdir. Oktyabrın 22-si Cəbrayıl istiqamətində gedən döyüşlər zamanı yanına minamyot mərmisi düşür və Nofəl ağır yaralanır. Bir neçə gün Silahlı Qüvvələrinin baş Klinik Hospitalında müalicə alsa da, 27 oktyabr tarixində Bakıda yerləşən özəl klinikada həkimlərin səyinə baxmayaraq aldığı ağır qəlpə yaralarından şəhadətə ucalır. 

Quluyev Nofəl oktyabrın 28 -i Gədəbəy rayon , Qoşabulaq kənd  qəbiristanlığında torpağa tapşırılır. 

Azərbaycan Respublikasının Prezidenti Ali Baş Komandan cənab İlham Əliyevin müvafiq sərəncamları ilə “Vətən uğrunda”, “Cəbrayılın azad olunmasına görə”, “Laçının azad olunmasına görə”, “Qubadlının azad olunmasına görə”, və “Hərbi Xidmətlərə” görə medalları ilə təltif edilib.

Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirərək şəhid olmuş hərbi qulluqçu, Quluyev Nofəl Azərbaycan Respublikasının Prezidenti İlham Əliyevin Sərəncamına əsasən 3–cü dərəcəli “Vətənə xidmətə görə”  ordeni ilə təltif edilib.