Rəcəbli Bəhrəm Fazil

Vətən Müharibəsi Qəhrəmanı, şəhid Polkovnik-leytenant Orxan Əkbərovun rəhbərlik etdiyi kəşfiyyat qrupları Füzulinin Yastı təpə istiqamətindən hücuma keçərək düşmənə ağır zərbə vurur. Oktyabrın 2-dək gizir Bəhrəm Rəcəblinin də xidmət etdiyi XTQ qrupları düşmənə qarşı uğurlu əməliyyatlar keçirib, bir neçə kəndi və strateji yüksəkliyi işğaldan azad edib. Nəticədə düşmənin 200-dən çox canlı qüvvəsini, silahla dolu 6 zirehli texnikası ələ keçirilir. Oktyabrın 2-də Horadiz istiqamətində əməliyyat zamanı 2 qrup mühasirəyə düşür. Bəhrəm Rəcəbli ilə birlikdə qrup üzvləri 8 saat düşmənlə mübarizəaparır. Bəhrəm Rəcəbli düşmən snayperinin açdığı atəş nəticəsində başından ağır yaralanır, yanına minamyot mərmisi düşür. Qrupun 10 döyüşçüsü şəhid olsa da, mühasirədə olan yaralıları təxliyə etmək mümkün olur.