Surxayev Yunis Rafik

Surxayev Yunis Rafik oğlu, 2002 ci il yanvarın 20 də Qobustan Qəsəbəsi Şıxlar Kəndində anadan olub. 28.05.2020-ci ildə hərbi xidmətə çağırılıb. Azərbaycan Ordusunun əsgəri olan Yunis Surxayev  2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsində savaşıb. Goranboy, Tərtər, Ağdərə, Madagiz, Cəbrayıl və Suqovuşan istiqamətlərində döyüşüb. 13.10.2020-ci ildə müharibənin qızğın dövründə Talış-Suqovuşan istiqamətində döyüşlərdə şəhid olub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin müvafiq Sərəncamlarına əsasən “Vətən uğrunda”, “Cəsur döyüşçü”, “Suqouşanın azad olunmasına görə” medalları ilə təltif edilb.

Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirərək şəhid olmuş hərbi qulluqçu, Surxayev Yunis Rafik oğlu Azərbaycan Respublikasının Prezidenti İlham Əliyevin Sərəncamına əsasən 3–cü dərəcəli “Vətənə xidmətə görə”  ordeni ilə təltif edilib.