Talıbzadə Səxavət Zeyniş

Səxavət Talıbzadə Saatlı rayonunun Qaracalar kəndində doğulub. Ailədə bir bacı, iki qardaş olublar. 2014-cü ildə Saatlı rayonu Qaracalar kənd tam orta məktəbini bitirdikdən sonra Azərbaycan Dənizçilik Kollecinə daxil olub.2016-cı ildə əsgəri xidmətə çağırılıb və hərbi xidməti başa vurduqdan sonra 2018-ci ildə MAHHXHQ kimi xidmətini davam etdirmişdir. 2020-ci ilin sentyabr ayının 27-dən döyüşlərə qatılıb,xüsusi şücayət göstərib,düşmənin onlarla canlı qüvvəsini məhv edib və oktyabr ayının 4-də Suqovuşanın azad edilməsi uğrunda aparılan döyüş əməliyyatlarında qəhrəmancasına şəhid olub

Səxavət Talıbzadə Qaracalar kənd qəbiristanlığında torpağa tapşırılıb. 

Ölümündən sonra “Vətən uğrunda”, “Cəsur döyüşçü” “Suqovuşanın azad olunmasına görə” medalları ilə təltif olunub.

Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirərək şəhid olmuş  Talıbzadə Səxavət 3-cü dərəcəli “Vətənə xidmətə görə” ordeni ilə tətif edilib.