Xəlilov Vidadi Vaqif

Vidadi Xəlilov 1982-ci il iyulun 16-da Göyçay şəhərində anadan olub. 1989-cu il Göyçay rayonu akademik Ziya Bünyadov adina 3 saylı tam orta məktəbə daxil olmuşdur.1999-cu ilə qədər həmin məktəbdə təhsil almışdir. 1999-cu ildə Heydər Əliyev adına Azərbaycan Ali Hərbi məktəbinə yüksək nəticələrlə qəbul olub. 2003-cü ildə həmin məktəbin “motoatici” ixtisası üzrə bitirmiş və leytenant rütbəsi verilmişdir.

2003-cü ildən-2004-cü ilədək Müdafiə Nazirliyinin təlim tədris  mərkəzində ixtisas kursu keçmişdir. 2004-cü ildə Müdafiə Nazirliyinin əmrinə əsasən xidməti davam etdirmək üçün Azərbaycan Respublikasının Silahlı Qüvvələrinin “N” saylı hərbi hissəsinə göndərilmişdir.

2004-cü il tarixdən motoatıci tağım komandiri kimi xidmət edən Vidadi Xəlilov 2014-cü ildə “N” sayli hərbi hissədə motoatıcı taborun qərargah rəisi vəzifəsinə təyin olunub. 

2019 -cu ildə Vidadi Xəlilova polkovnik leytenant rütbəsi verilir və "N" saylı hərbi hissənin döyüş hazırlığı rəisi vəzifəsinə təyin olunmuşdur. 

Vidadi Xəlilov Aprel döyüşlərində, Tovuz döyüşlərində və İkinci Qarabağ müharibəsində qəhrəmanlıq göstərmişdir. Vətən müharibəsi zamanı ilk öncə Murovdağ, Füzuli, Cəbrayıl, Qubadlı və Laçın rayonlarının azadlığı uğrunda mübarizə aparmış və böyük şücaət göstərmişdir. Polkovnik Xəlilov Qubadlı rayonuna ayaq basan ilk hərbçilərdən biridir. 

Qubadlı döyüşlərində göstərdiyi şücaətə görə döyüş yoldaşları onu Qubadlı fatehi adlandırırdılar  

Vidadi Xəlilov Çin Xalq Respublikasında Xüsusi təyinatlıların kursunu bitirib. 

Ailəli idi. 2 övladı yadigar qaldı.

Azərbaycan Ordusunun polkovnik-leytenantı olan Vidadi Xəlilov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Cəbrayılın, Qubadlının və Laçının azadlığı uğrunda gedən döyüşlərdə savaşıb. Vidadi Xəlilov noyabrın 1-də Laçın döyüşləri zamanı şəhid olub. Göyçay şəhərinin Şəhidlər Xiyabanında dəfn olunub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli sərəncamına əsasən Vidadi Xəlilov ölümündən sonra "Vətən uğrunda" medalı ilə təltif edildi.

Azərbaycanın Cəbrayıl rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.12.2020-ci il tarixli sərəncamına əsasən Vidadi Xəlilov ölümündən sonra "Cəbrayılın azad olunmasına görə" medalı ilə təltif edildi.

Azərbaycanın Qubadlı rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 29.12.2020-ci il tarixli sərəncamına əsasən Vidadi Xəlilov ölümündən sonra "Qubadlının azad olunmasına görə" medalı ilə təltif edildi.

Azərbaycanın Laçın rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 29.12.2020-ci il tarixli sərəncamına əsasən Vidadi Xəlilov ölümündən sonra "Laçının azad olunmasına görə" medalı ilə təltif edildi.

Azərbaycan ərazilərinin işğaldan azad olunması zamanı döyüş tapşırıqlarını və xidməti vəzifələrini yerinə yetirən zaman fərqləndiyinə görə Azərbaycan Prezidenti İlham Əliyevin 30.12.2020-ci il tarixli sərəncamına əsasən Vidadi Xəlilov ölümündən sonra "Hərbi xidmətlərə görə" medalı ilə təltif edildi.

Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında şəhid olmuş Azərbaycan Respublikası Silahlı Qüvvələrinin hərbi qulluqçularının təltif edilməsi haqqında Azərbaycan Prezidenti İlham Əliyevin 24.06.2021 tarixli sərəncamı ilə, Vidadi Xəlilov ölümündən sonra "Azərbaycan Bayrağı" ordeni ilə təltif edildi.