Hava İş Elanları Giriş / Qeydiyyat
SonÜmid TV
Yunusov Murad Bayram
Əsgər
🇦🇿 Azərbaycan Şəhidi

Yunusov Murad Bayram

Ata adı: Bayram

🐣
Doğum — Kürdəmir Şahsevən kəndi
🕊️
Şəhadət — Şuşa
📍
Dəfn Olunduğu Yer Kürdəmir Şahsevən kənd qəbiristanlığı
Mənbə: Unudulmazlar.az
Şəhidin Xatirəsini Paylaşın

Hərbi Xidmət və Döyüş Yolu

Hərbi Rütbə Əsgər
Qoşun Növü Quru Qoşunları
Xidmət Növü Həqiqi hərbi xidmət
Döyüşlərdə İştirak:
⚔️ Şuşa ⚔️ Qubadlı ⚔️ Xocavənd ⚔️ Zəngilan ⚔️ Cəbrayıl

Təltif Edildiyi Orden və Medallar

Füzulinin azad olunmasına görə medalı

Füzulinin azad olunmasına görə medalı

Füzulinin azad olunmasına görə
Cəbrayılın azad olunmasına görə medalı

Cəbrayılın azad olunmasına görə medalı

Cəbrayılın azad olunmasına görə
"Xocavəndin azad olunmasına görə" medalı

"Xocavəndin azad olunmasına görə" medalı

Xocavəndin azad olunmasına görə
Vətən uğrunda medalı

Vətən uğrunda medalı

Vətən uğrunda
III dərəcəli "Vətənə xidmətə görə" ordeni

III dərəcəli "Vətənə xidmətə görə" ordeni

"Vətənə xidmətə görə" ordeni

Həyat Yolu və Şəhadət Tarixçəsi

Murad Yunusov Bayram oğlu 2001-ci ildə Kürdəmirin Şahsevən kəndində dünyaya göz açıb. O, rayonun Köhnəbazar kənd orta məktəbində oxuyub. Məktəbi bitirdikdən sonra 2019-cu ilin oktyabrında həqiqi hərbi xidmətə yollanıb.

2020-ci ilin sentyabrın 27-də Vətən müharibəsi başlayanda Murad Yunusov artıq bir il idi ki, əsgər idi. Füzulidən döyüşlərə başlayan Murad Xocavəndin, Cəbrayılın, Zəngilanın, Qubadlının azad edilməsi uğrunda igidliklə vuruşub. Son döyüşü Şuşa istiqamətində olub və noyabrın 2-də şəhidlik zirvəsinə ucalıb. Kürdəmir rayonunun Şahsevən kənd qəbiristanlığında dəfn edilib.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Murad Yunusov ölümündən sonra "Vətən uğrunda" medalı ilə təltif edilib .

Azərbaycanın Cəbrayıl rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Respublikasının Prezidenti İlham ƏlÜiyevin 24.12.2020-ci il tarixli Sərəncamına əsasən ölümündən sonra "Cəbrayılın azad olunmasına görə" medalı ilə təltif edilib.

Azərbaycanın Füzuli rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən ölümündən sonra "Füzulinin azad olunmasına görə" medalı ilə təltif edilib.

Azərbaycanın Xocavənd rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən ölümündən sonra "Xocavəndin azad olunmasına görə" medalı ilə təltif edilib.

Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirərək şəhid olmuş hərbi qulluqçu, Murad Yunusov  Azərbaycan Respublikasının Prezidenti İlham Əliyevin Sərəncamına əsasən 3–cü dərəcəli “Vətənə xidmətə görə”  ordeni ilə təltif edilib.

Xatirələrdə Yaşayan Şəhid:

Anası Yunusova Almaz: Murad 3 oğlumun kiçiyi idi. O çox istiqanlı, mehriban, zarafatcıl uşaq idi. Hamıya tez qaynayıb qarışırdı. Boy-buxunlu, ətli-canlı olduğuna hamı elə bilirdi ki, böyük oğlumuz Muraddır. Arzularla həyat dolu idi Murad. Şən zarafatları, gur səsi qulağımdan, gülər üzü gözümün qabağından getmir. 2019-cu ilin oktyabrın 3-də Murad hərbi xidmətə getdi. Bircə dəfə andiçməyə getdik yanına. Məzuniyyətə gələcəkdi, pandemiya səbəbindən buraxmadılar. Ancaq tez-tez telefonla danışırdıq. Murad 40 gün Füzuli, Cəbrayıl, Zəngilan, Horadiz, Xocavənd uğrunda döyüşlərdə iştirak etdi. Bəzən hər gün, bəzən iki gündən bir danışırdı bizimlə. Sonuncu dəfə noyabrın 1-də zəng edəndə yarım saatdan çox danışdıq. Noyabrın 4-nə kimi zəng gəlmədi ondan, sən demə şəhid olubmuş balam.
Qardaşı Yunusov Şəmistan: 3 qardaşın böyüyü mənəm. Məktəbdə gözüm Muradın üzərində idi, qoruyurdum onu, evə gələndə özüm gətirirdim. Murad fiziki işlə, idmanla çox məşğul olduğuna görə, bizdən çox güclü, cüssəli idi. Onun Şəhid olmağına inanmağım gəlmirdi. Bağıra-bağıra ağlamaq, ürəyimi boşaltmaq istəyirdim. Dəfnində izdihamı görəndə, hamının, yüzlərlə insanın ondan ötrü göz yaşı tökdüyünü görəndə ürəyim dağa döndü. Acını, kədəri qürur əvəz elədi. Mənim qardaşım bir evdən getmişdi, 18 yaşında sadə bir kənd uşağı kimi, bir elə qayıtdı bayraqla, qəhrəman kimi, şəhid kimi. Belə qarşılanma, belə yola salma, belə dəfn hər kəsə nəsib olmur.
Müəlliməsi Şamama Əhmədova: Muradı məktəbdə Qara Murad deyə çağırırdılar. Hamı xətrini çox istəyirdi. Səmimi və dürüst idi. Heç yalan danışmazdı, xoşuna gələrdi ki, tədbirlərdə ona nəsə bir iş tapşırılsın. Canla-başla yerinə yetirərdi. Əgər səhv bir hərəkəti olsa idi, düzünü deyərdi. Biz onunla həmişə fəxr edəcəyik. Vətən meharibəsində qəhrəmanlıq göstərdi və Şəhidlik zirvəsinə ucaldı. Tarix dərsini yaxşı oxumayan Murad bir tarix yazdı.

Təhsil, İş və Ailə Məlumatları

Məktəb Kürdəmir rayonu, Köhnəbazar kənd tam orta məktəbi
Ailə Vəziyyəti Subay
Ailə Üzvləri

Ata: Yunusov Bayram Heydar oğlu Ana: Yunusova Almaz Oruc qızı Qardaşı: Yunusov Şəmistan Bayram oğlu Qardaşı: Yunusov Kamran Bayram oğlu

Xatirə Fotoları

Digər Qəhrəman Şəhidlərimiz

Bütün Şəhidlər

Abbasov Azad Novruz

MAHHXHQ əsgər

Abdullayev Taleh Məhərrəm

Əsgər

Arazov Səyyar Güloğlan

Əsgər

Babayev Rəşad İlham

Əsgər