Yusibli Nofəl Yusib

Yusibli Nofəl Yusib oğlu 2000-ci il noyabr ayının 3-də Ağcabədi rayonu Kəbirli kəndində anadan olmuşdur. Nofəl Yusibli orta təhsilini  Mirzə Ələkbər Sabir adına Kəbirli kənd orta məktəbində  almış, daha sonra isə ali təhsil almaq üçün Azərbaycan Dövlət Aqrar Universitetinə qəbul olmuşdur. 

Nofəl Yusibli Azərbaycan Respublikasının Silahlı Qüvvələri tərəfindən 19 sentyabr 2023-cü il tarixində həyata keçirilmiş uğurlu lokal antiterror tədbirləri zamanı Xocavənd rayonu Sus kəndi  istiqamətində gedən döyüşlərdə şəhid olmuşdur.

Azərbaycan Respublikasının ərazi bütövlüyünün təmin olunmasında yüksək peşəkarlıq, şücaət və mərdlik göstərmiş, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqlənmiş Azərbaycan Respublikası Silahlı Qüvvələrinin hərbi qulluqçusu Nofəl Yusibli Azərbaycan Respublikasının Prezidenti İlham Əliyevin sərəncamına əsasən "Vətən uğrunda” medalı və  3-cü dərəcəli “Vətənə xidmətə görə” ordeni ilə təltif edilmişdir.