Yusifli Şəmistan Şükran

Yusifli Şəmistan Şükran  oğlu 1998-ci  il yanvar ayının 16 -da Masallı rayonu Xırmandalı kəndində anadan olmuşdur. Şəmistan Yusifli orta təhsilini Masallı rayonu Xırmandalı kənd tam orta məktəbində almışdır. Orta təhsilini bitirdikdən sonra Heydər Əliyev adına Ali Hərbi Məktəbə daxil olur və oranı leytenant rütbəsi ilə bitirir. 

Vətən müharibəsi iştirakçısı olub, Qubadlı, Kəlbəcər istiqamətində gedən döyüşlərdə fəal iştirak edib.

Azərbaycan Silahlı Qüvvələrinin baş leytenantı Yusifli Şəmistan Şükran oğlu Azərbaycan Respublikasının Silahlı Qüvvələri tərəfindən 20 sentyabr 2023-cü il tarixində həyata keçirilmiş uğurlu lokal antiterror tədbirləri zamanı Ağdərə  istiqamətində gedən döyüşlərdə şəhid olmuşdur.

Yusifli Şəmistan Şükran oğlu Masallı rayonu Xırmandalı kənd qəbiristanlığında dəfn edilmişdir. 

Azərbaycan Respublikasının ərazi bütövlüyünün təmin olunmasında yüksək peşəkarlıq, şücaət və mərdlik göstərmiş, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqlənmiş Azərbaycan Respublikası Silahlı Qüvvələrinin baş leytenantı Yusifli Şəmistan Şükran oğlu Azərbaycan Respublikasının prezidenti İlham Əliyevin sərəncamına əsasən “Qubadlının azad olunmasına görə”, “Kəlbəcərin azad olunmasına görə”, “Vətən uğrunda” medalları və  3-cü dərəcəli “Vətənə xidmətə görə” ordeni ilə təltif edilmişdir.